ମୋ ବସରେ‌ କାର୍ଯ୍ୟକାରୀ ହେବ ପୂର୍ବ ପାସ୍‌

ଭୁବନେଶ୍ବର : ରାଜ୍ୟ ସରକାରଙ୍କ ନିର୍ଦେଶକ୍ରମେ ମଙ୍ଗଳବାରଠାରୁ ଭୁବନେଶ୍ବର ସମେତ କଟକ ଏବଂ ଖୋର୍ଦ୍ଧା ସହରକୁ ‘ମୋ ବସ୍‌’ ଗଡ଼ିଛି। ବସ୍‌ ସେବା ଆରମ୍ଭ ଅବସରରେ କ୍ୟାପିଟାଲ ରିଜିଅନ ଅର୍ବାନ ଟ୍ରାନ୍ସପୋର୍ଟ(କ୍ରୁଟ୍‌) ପରିଚାଳନା ନିର୍ଦେଶକ ଅରୁଣ ବୋଥ୍ରା ଯାତ୍ରୀ ଏବଂ ଗାଇଡଙ୍କୁ ତିନିଟି ବାର୍ତ୍ତା ପ୍ରଦାନ କରିଛନ୍ତି। ଏହି ବାର୍ତ୍ତାକୁ ମାନିଲେ କରୋନା ସଙ୍କଟରୁ ମୁକ୍ତି ମିଳିବ। ଏଥିସହିତ ଲକ୍‌ଡାଉନ୍‌ ପୂର୍ବରୁ କ୍ରୁଟ୍‌ ପକ୍ଷରୁ ପ୍ରଦାନ କରାଯାଇଥିବା ମୋ ବସ୍‌ ପାସ୍‌ ଅବଧି ଚାଲୁ ରହିବ ବୋଲି ସେ କହିଛନ୍ତି।
ପ୍ରଥମତଃ ବସ୍‌ରେ ଯେତିକି ସିଟ୍‌ ରହିଛି ସେତିକି ଯାତ୍ରୀ ଯାତ୍ରା କରି ପାରିବେ। ବସ୍‌ରେ ଛିଡ଼ା ହୋଇ କୌଣସି ଯାତ୍ରୀ ଯାଇ ପାରିବେ ନାହିଁ କି ଯାତ୍ରା ପାଇଁ ଗାଇଡ ଅନୁମତି ଦେବେ ନାହିଁ। ବଳପୂର୍ବକ ଚଢ଼ିବାକୁ ଚେଷ୍ଟା କରୁଥିବା ଯାତ୍ରୀଙ୍କୁ ବିରୋଧ କରିବାକୁ ଶ୍ରୀ ବୋଥ୍ରା ଜନସାଧାରଣଙ୍କୁ ଅନୁରୋଧ କରିଛନ୍ତି। ଦ୍ବିତୀୟରେ ବସ୍‌ରେ ଯାତ୍ରୀମାନେ ଯାତ୍ରା କଲାବେଳେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି। ତୃତୀୟରେ ବସ୍‌ ଭିତରେ ଯାତ୍ରୀ ଗାଇଡଙ୍କୁ ଉଚିତ ବସ୍‌ ଭଡ଼ା ଦେବେ। ଭଡ଼ା ବାବଦରେ ଖୁଚୁରା ଦେବାକୁ ବିଶେଷଭାବେ ଯାତ୍ରୀଙ୍କୁ ଅନୁରୋଧ କରାଯାଉଥିବା ସେ କହିଛନ୍ତି। ଯାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ଗଡୁଥିବା ମୋ ବସ୍‌କୁ ସାନିଟାଇଜ୍‌ କରାଯାଉଛି। କ୍ରୁଟ ପକ୍ଷରୁ ଧୀରେ ଧୀ‌େ‌ର ଅନ୍ୟ ରୁଟ୍‌ରେ ମୋ ବସ୍‌ ସେବା ଆରମ୍ଭ କରାଯିବ ଶ୍ରୀ ବୋଥ୍ରା କହିଛନ୍ତି।

Comments
Loading...