ମୋବାଇଲ ଟାୱାରରୁ ବ୍ୟାଟେରୀ ଚୋରି; ୨ ଜଣଙ୍କୁ ଗିରଫ କଲା ପୁଲିସ 

ପଦ୍ମପୁର : ପଦ୍ମପୁର ଉପ ଖଣ୍ତରେ ବିଭିନ୍ନ ସ୍ଥାନରେ ଏୟାରଟେଲ ଟାୱାରରୁ ବ୍ୟାଟେରୀ ଚୋରି କରୁଥିବା ରାକେଟକୁ ପୋଲିସ କାବୁ କରିବାରେ ସକ୍ଷମ ହୋଇଛନ୍ତି । ଗତ ୧୦ତାରିଖରେ ଜଗଦଲପୁର ଥାନା ଅଧୀନସ୍ଥ ବମ୍ବରିତ ଠାରେ ଥିବା ଏୟାରଟେଲ ଟାୱାରରୁ କେତେକ ଦୁର୍ବୃତ୍ତ ବ୍ୟାଟେରୀ ଚୋରି କରି ନେଇଥିଲେ। ଥାନା ଅଧିକାରୀ ଲିଲିମା ଲଲିତା ବାର୍ଲା, ଏ ଏସ ଆଇ ସତ୍ୟାନନ୍ଦ ଭୋଏ, ହାବିଲଦାର ଜିତେନ୍ଦ୍ରିୟ ଦାଶ ଏକ ଟିମ କରି ଗୁପ୍ତ ତଥ୍ୟ ସଂଗ୍ରହ କରି କୌଶଳ କ୍ରମେ ବ୍ୟାଟେରୀ ଚୋରମାନଂକୁ ଧରିବାରେ ସକ୍ଷମ ହୋଇଥିଲେ ।ତାଂକ ଠାରୁ ଚୋରି ହୋଇଥିବା ୨୪ଟି ବ୍ୟାଟେରୀରୁ୨୨ଟି ବ୍ୟାଟେରୀ  ଉଦ୍ଧାର କରାଯାଇଛି ।  ।ଚୋରି ସମୟରେ ବ୍ୟବହୃତ ବାଇକ ନଂଓଡି ୧୭ ଜି ୫୬୨୬କୁ ଜବତ କରାଯାଇଛି। ଅଭିଯୁକ୍ତ ମାନେ ହେଲେ କପସିଲା ଗ୍ରାମର ପ୍ରମୋଦ ରଣା ଓ ରାଏବାହାଦୁରପୁର ଗ୍ରାମର ଚନ୍ଦ୍ରହାସ୍ୟ ପଟେଲ। ଉଭୟଂକୁ ଗିରଫ କରି କୋର୍ଟ ଚାଲାଣ କରାଯାଇଥିବା ତଦନ୍ତକାରୀ ଅଧିକାରୀ ଏ ଏସ ଆଇ ସତ୍ୟାନନ୍ଦ ଭୋଏ ସୂଚନା ଦେଇଛନ୍ତି ।  ସେହିପରି ପଦ୍ମପୁର ଆଦର୍ଶ ଥାନା ଅଂଚଳରେ ବ୍ୟାଟେରୀ ଚୋରି ହୋଇଥିବାରୁ କେଶ ନଂ ୩୦୩/୨୦ରେ ମାମଲା ରୁଜ୍ଜୁ କରି ସବ୍ ଇନ୍ସପେକ୍ଟର ପ୍ରକାଶ ପାତ୍ର,ପି.ଏନ.ସାହୁ,ରବୀନ୍ଦ୍ର ହେମ୍ରମ ଟିମ ବଲାଂଗିର ର ମହମ୍ମଦ ତାହିର,ଜାହିଦ ମଲ୍ଲିକକୁ ଗିରଫ କରି କୋର୍ଟ ଚାଲାଣ କରିଛନ୍ତି।
Comments
Loading...