ବରିଷ୍ଠ ନାଗରିକଙ୍କୁ ଘର ପାଖରେ ମିଳିବ ଡ଼ାକ୍ତରୀ ଚିକିତ୍ସା; ଆରମ୍ଭ ହେବ ଭ୍ରାମ୍ୟମାଣ ସ୍ବାସ୍ଥ୍ୟସେବା

ଅକ୍ଟୋବର ପହିଲାରୁ କାର୍ଯ୍ୟକାରୀତା ସଂକ୍ରାନ୍ତରେ ମନ୍ତ୍ରୀ ଅଶୋକ ପଣ୍ଡାଙ୍କ ସୂଚନା

ବରିଷ୍ଠ ନାଗରିକମାନେ ଆଉ ଚିକିତ୍ସା ପାଇଁ ଡ଼ାକ୍ତରଖାନା ଯିବେ ନାହିଁ । ସେମାନଙ୍କ ନିମନ୍ତେ ଭ୍ରାମ୍ୟମାଣ ସ୍ବାସ୍ଥ୍ୟ ସେବା ଆରମ୍ଭ ହେବ । ଆସନ୍ତା ଅକ୍ଟୋବର ପହିଲାରୁ ସ୍ବାସ୍ଥ୍ୟସେବା ଯୋଗାଇବା ନିମନ୍ତେ ବ୍ୟବସ୍ଥା କରାଯିବ । ଏହି ସୂଚନା ଦେଇଛନ୍ତି ରାଜ୍ୟ ସାମାଜିକ ସୁରକ୍ଷା ମନ୍ତ୍ରୀ ଅଶୋକ ପଣ୍ଡା ।

କେନ୍ଦ୍ର ସରକାରଙ୍କ ଏହି ଯୋଜନା ଓଡ଼ିଶାରେ ବି କାର୍ଯ୍ୟନ୍ବୟନ ହେବ । ରାଜ୍ୟ ସରକାର ଏଥିନିମନ୍ତେ ଆବଶ୍ୟକ ସହାୟତା ଯୋଗାଇଦେବେ ଓ ଏହାକୁ କାର୍ଯ୍ୟକାରୀ କରିବା କ୍ଷେତ୍ରରେ ସମ୍ପୂର୍ଣ୍ଣ ସହଯୋଗ କରିବେ ।

ତେବେ ବରିଷ୍ଠ ନାଗରିକଙ୍କୁ ଭ୍ରାମ୍ୟମାଣ ଗାଡ଼ି ଜରିଆରେ କି ପ୍ରକାର ସେବା ଯୋଗାଇ ଦିଆଯିବା ସମ୍ଭବ ସେ ସମ୍ପର୍କରେ ଚୂଡ଼ାନ୍ତ ନିଷ୍ପତ୍ତି ହୋଇ ନାହିଁ । ଏ ସମ୍ପର୍କରେ ରାଜ୍ୟ ସରକାର ଏକ ମାର୍ଗଦର୍ଶିକା ପ୍ରସ୍ତୁତ କରିବେ । ଏଥିପାଇଁ ପ୍ରାୟ ୯ କୋଟି ଟଙ୍କା ବ୍ୟୟ ଅଟକଳ କରାଯାଇଛି ଏବଂ ୧୦ ଲକ୍ଷରୁ ଅଧିକ ବରିଷ୍ଠ ନାଗରିକଙ୍କୁ ସ୍ବାସ୍ଥ୍ୟ ସେବା ଯୋଗାଇ ଦିଆଯିବାର ଲକ୍ଷ୍ୟ ରଖାଯାଇଛି ବୋଲି ସୂଚନା ମିଳିଛି ।

ସୂଚନା ଅନୁସାରେ ବରିଷ୍ଠ ନାଗରିକମାନଙ୍କ ନିମନ୍ତେ ଏକ ହେଲ୍ପଲାଇନ ନମ୍ବର ଜାରି କରାଯିବ । ସେମାନେ ଏହି ନମ୍ବର ଜରିଆରେ ସ୍ବାସ୍ଥ୍ୟ ସେବା ପାଇଁ ଯୋଗାଯୋଗ କରିପାରିବେ ।

Comments
Loading...