ମନ୍ତ୍ରୀଙ୍କ କାର୍ଯ୍ୟକ୍ରମରେ ଅଲୋଡ଼ା ଦେବଗଡ଼ ବିଧାୟକ

ଦେବଗଡ: ଜୁଲାଇ ୩୧ ତାରିଖ ଦିନ ରାଜ୍ୟ ମହିଳା ଓ ଶିଶୁ ବିକାଶ ବିଭାଗ ମନ୍ତ୍ରୀ ତଥା ଦେବଗଡ ଜିଲା ଯୋଜନା ବୋର୍ଡ ଅଧ୍ୟକ୍ଷା ଟୁକୁନୀ ସାହୁ ଦେବଗଡ ଜିଲା ଗସ୍ତରେ ଆସି ପ୍ଲାଜମା ସଂଗ୍ରହ ସମେତ ବିଭିନ୍ନ ପ୍ରସଙ୍ଗରେ ସମୀକ୍ଷା ଓ ଆଲୋଚନା କରିଥିଲେ। ତେବେ ଏହି କାର୍ଯ୍ୟକ୍ରମରେ ଅଂଶ ଗ୍ରହଣ କରିବା ନିମନ୍ତେ ବିଧାୟକ ସୁବାସ ଚନ୍ଦ୍ର ପାଣିଗ୍ରାହୀଙ୍କୁ ଡକା ଯାଇନଥିବାରୁ ଏ ନେଇ ସେ ତୀବ୍ର ଅସନ୍ତୋଷ ଓ କ୍ଷୋଭ ପ୍ରକାଶ କରିଛନ୍ତି।

ମନ୍ତ୍ରୀଙ୍କ ଗସ୍ତ ଅବସରରେ ଯେ କୌଣସି ସରକାରୀ କାର୍ଯ୍ୟକ୍ରମ କିମ୍ବା ସମୀକ୍ଷା ବୈଠକରେ ସମ୍ପୃକ୍ତ ଅଂଚଳର ବିଧାୟକମାନଙ୍କୁ ଡକାଯିବାର ବିଧି ଏବଂ ସରକାରୀ ଗାଇଡ ଲାଇନ ରହିଛି। ମାତ୍ର ସମଗ୍ର ଦେବଗଡ ଜିଲାରେ ସେ ଏକମାତ୍ର ବିଧାୟକ ହୋଇଥିଲେ ହେଁ ପ୍ରଶାସନ ପକ୍ଷରୁ ଗତ ୩୧ ତାରିଖ ଦିନର କାର୍ଯ୍ୟକ୍ରମକୁ ତାଙ୍କୁ ଡକା ଯାଇନଥିଲା ଯାହାକି ଅତ୍ୟନ୍ତ ଦୁର୍ଭାଗ୍ୟଜନକ ଏବଂ ଏହା ସରକାରୀ ନୀତି ନିୟମର ଉଲ୍ଲଙ୍ଗଣ କରୁଛି ବୋଲି ବିଧାୟକ ଶ୍ରୀ ପାଣିଗ୍ରାହୀ ଆମ ପ୍ରତିନିଧିଙ୍କୁ କହିଛନ୍ତି।

Comments
Loading...