ଷ୍ଟେଟ୍ ବ୍ୟାଙ୍କ ଏଟିଏମ୍ ଭାଙ୍ଗିଲେ ଦୁର୍ବୃତ୍ତ
ନର୍ଲା: କଳାହାଣ୍ଡି ଜିଲା ନର୍ଲା ବ୍ଲକ ଅନ୍ତର୍ଗତ ରୁପ୍ରାରୋଡ୍ରେ ଥିବା ଷ୍ଟେଟ୍ ବ୍ୟାଙ୍କ୍ ଶାଖା ଏଟିଏମ୍ କାଉଣ୍ଟରରେ ମେଶିନ ଭାଙ୍ଗି ଲୁଟ୍ ଉଦ୍ୟମ ହୋଇଛି। ଶନିବାର ବିଳମ୍ବିତ ରାତିରେ ଦୁର୍ବୃତ୍ତମାନେ ଏହି କାଣ୍ଡ ଘଟାଇଥିବା ଅନୁମାନ କରାଯାଉଛି। ରବିବାର ସକାଳେ ସ୍ଥାନୀୟ ଲୋକେ ଏଟିଏମ ଭଙ୍ଗାଯାଇଥିବା ଦେଖିବାକୁ ପାଇଥିଲେ। ସକାଳ ସାଢ଼େ ୯ଟା ସୁଦ୍ଧା ଘଟଣାସ୍ଥଳରେ ନର୍ଲା ପୁଲିସ ପହଞ୍ଚି ନ ଥିବାବେଳେ କ’ଣ ଚୋରି ଓ କ୍ଷତି ହୋଇଛି ତାହା ଜଣା ପଡିନାହିଁ।
ସୂଚନାଯୋଗ୍ୟ, ନର୍ଲା ଅଞ୍ଚଳରେ ଏହା ନିତିଦିନିଆ ଘଟଣା ପାଲଟିଛି। ପୁଲିସ ପ୍ରଶାସନ ପ୍ରତି ଚୋର, ଡକାୟତ, ହତ୍ୟାକାରୀଙ୍କ ତିଳେମାତ୍ର ଭୟ ନାହିଁ, ଯାହା ପୁଲିସର ପାରିବା ପଣିଆ ଉପରେ ଅଙ୍ଗୁଳି ନିର୍ଦ୍ଦେଶ କରୁଛି । ସାଧାରଣ ଲୋକେ ଧନ ଜୀବନକୁ ନେଇ ନିଜକୁ ସୁରକ୍ଷିତ ମନେ କରୁନାହାନ୍ତି । ଚୋରି, ଡକାୟତି ରୋକିବାରେ ପୁଲିସର ନିଷ୍କ୍ରିୟତାକୁ ସାଧାରଣରେ ନିନ୍ଦା କରାଯାଉଛି।
Comments are closed.