ସାପ କାମୁଡାରେ ଶିଶୁ କନ୍ୟା ମୃତ

ପାଟଣା : ଜେଜେମାଙ୍କ ସହ ଶୋଇଥିଲା ନାତୁଣୀ, ବିଳମ୍ବିତ ରାତିରେ ବିଷାକ୍ତ ସାପ କାମୁଡାରେ ଚାଲିଗଲା ଜୀବନ। ଏଭଳି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ପାଟଣା ଥାନା ଖମୁଆଁ ଗ୍ରାମର କୁସୁମ ସାହିରେ । ମୃତ ଶିଶୁ କନ୍ୟା ଗ୍ରାମର ସର୍ବେଶ୍ଵର ପାଇଦା ଙ୍କ ୯ ବର୍ଷ ର ଝିଅ ପାର୍ବତୀ ମୁଣ୍ଡା। ସେ ଜେଜେମାଆ ଙ୍କ ସହ ଶୋଇଥିବା ବେଳେ ବିଳମ୍ବିତ ରାତିରେ କୌଣସି ଏକ ବିଷଧର ସାପ ତାଙ୍କୁ କାମୁଡ଼ି ଦେଇଥିଲା । ପରିବାର ଲୋକେ ଆଜି ସକାଳୁ ତାଙ୍କୁ ପାଟଣା ମେଡିକାଲକୁ ଆଣିଥିଲେ ହେଁ ଡାକ୍ତର ଶିଶୁ କନ୍ୟାକୁ ମୃତ ଘୋଷଣା କରିଛନ୍ତି। ଏନେଇ ପାଟଣା ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି ।

Comments
Loading...