ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡାଙ୍କ ଦ୍ବାରା ବିଭିନ୍ନ ଉନ୍ନୟନ ମୂଳକ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ

ଭୁବନେଶ୍ୱର : ଭୁବନେଶ୍ୱର ଏକାମ୍ର ନିର୍ବାଚନ ମଣ୍ଡଳୀ ଅନ୍ତର୍ଗତ ଲିଙ୍ଗିପୁର୍ ଗ୍ରାମ ପଞ୍ଚାୟତରେ ଶନିବାର ସ୍ଥାନୀୟ ବିଧାୟକ ତଥା ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡାଙ୍କ ବିଭିନ୍ନ ଉନ୍ନୟନ ମୂଳକ ପ୍ରକଳ୍ପର  ଭିତ୍ତିପ୍ରସ୍ତର ସ୍ଥାପନ ଓ ଉଦଘାଟନ କରିଛନ୍ତି। ସେଥିମଧ୍ୟରୁ ସନ୍ଥ ବିହାର ଗୋଷ୍ଠୀ ଗୃହର ଉଦଘଟାନ, ଲିଙ୍ଗିପୁର ମହାନ୍ତି ସାହି ଡ୍ରେନର ଭିତ୍ତପ୍ରସ୍ତର ସ୍ଥାପନ, ନାଥପୁର ଗୋଷ୍ଠୀ ଗୃହ, ମଲ୍ଲିକ ସାହି ଡ୍ରେନ, ଭାଗବତ ବାସୁଦେବ ଗୋଷ୍ଠୀ ଗୃହ, ପଟା ସାହି କଂକ୍ରିଟ ରାସ୍ତା, ଶ୍ରୀ ଜଗନ୍ନାଥ ବିହାର କଂକ୍ରିଟ ରାସ୍ତା, ବଳରାମ ବିହାର କଂକ୍ରିଟ ରାସ୍ତା, ଆଇ ଜି କଲୋନୀ କଂକ୍ରିଟ ରାସ୍ତା ଓ ଗୋଷ୍ଠୀ ଗୃହର ପ୍ରାଚୀର ନିର୍ମାଣ, ମୃତ୍ୟୁଞ୍ଜୟ ବିହାର କଂକ୍ରିଟ ରାସ୍ତା ଆଦିର ଶିଳାନ୍ୟାସ କରିଥିଲେ। ଏହିସବୁ ପ୍ରକଳ୍ପ ବିଧାୟକ ଆଞ୍ଚଳିକ ଉନ୍ନୟନ ପାଣ୍ଠି, ଜିଲ୍ଲା ପରିଷଦ ଅନୁଦାନ, ପଞ୍ଚାୟତ ଅନୁଦାନ, ଭୁବନେଶ୍ୱର ମହାନଗର ନିଗମ ଅନୁଦାନରେ ପ୍ରାୟ ୮୦ ଲକ୍ଷ ଟଙ୍କା ରେ ନିର୍ମିତ ହେଵ। ଅନ୍ୟମାନଙ୍କ ମଧ୍ୟରେ ଜିଲ୍ଲା ପରିଷଦ ସଭ୍ୟା ଦିପ୍ତିମୟୀ ସୁନ୍ଦରାୟ, ସରପଞ୍ଚ ରୀନାରାଣୀ ବେହେରା, ସମିତି ସଭ୍ୟା ରଜନୀ ଦାସ, ସମାଜସେବୀ ମନୋରଞ୍ଜନ ମହାନ୍ତି, ସୁବାଷ ସୁନ୍ଦରାୟ, ରାଜେନ୍ଦ୍ର ସାହୁ, ପ୍ରକାଶ ସ୍ୱାଇଁ, ଅକ୍ଷୟ ସ୍ବାଇଁ, ସୁକାନ୍ତ ଦାସ,ପୂର୍ଣ୍ଣ ଚନ୍ଦ୍ର ସ୍ୱାଇଁ, କ୍ଷୀରୋଦ ସ୍ବାଇଁ, ଅଶୋକ ସାହୁ, ରମାକାନ୍ତ ମିଶ୍ର ଏବଂ ବହୁ ସ୍ଥାନୀୟ ବାସିନ୍ଦା ଉପସ୍ଥିତ ଥିଲେ।

Comments
Loading...