ଭୁବନେଶ୍ୱର : ପୂର୍ବତନ ମନ୍ତ୍ରୀ ଡ. ଚୈତନ୍ୟ ପ୍ରସାଦ ମାଝୀଙ୍କ ପରଲୋକ ହୋଇଛି। ମୃତ୍ୟୁ ବେଳକୁ ତାଙ୍କୁ ୯୦ ବର୍ଷ ବୟସ ହୋଇଥିଲା। ଭୁବନେଶ୍ୱର କ୍ୟାପିଟାଲ ହସ୍ପିଟାଲରେ ସୋମବାର ତାଙ୍କର ଦେହାନ୍ତ ହୋଇଛି। କିଛି ଦିନ ହେବ ସେ ଅସୁସ୍ଥ ଥିଲେ। ୧୯୭୯ ରୁ ୧୯୮୫ ଯାଏ ସେ ଓପିଏସସିର ସଦସ୍ୟ ଥିଲେ। କଂଗ୍ରେସ ଦଳରୁ ରାଜ୍ୟସଭାକୁ ସାଂସଦ ଭାବେ ନିର୍ବାଚିତ ହୋଇ ୧୯୭୨ ରୁ ୧୯୭୮ ଯାଏ ସେ କେନ୍ଦ୍ର କ୍ୟାବିନେଟର ପେଟ୍ରୋଲିୟମ ଓ କେମିକାଲର ଉପମୁଖ୍ୟମନ୍ତ୍ରୀ ଥିଲେ।
ଡ. ଚୈତନ୍ୟ ପ୍ରସାଦ ମାଝୀଙ୍କ ପରଲୋକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରିଛନ୍ତି । ମୁଖ୍ୟମନ୍ତ୍ରୀ ଶୋକ ବାର୍ତ୍ତାରେ କହିଛନ୍ତି ଯେ, ସ୍ୱର୍ଗତ ମାଝୀ ଓଡ଼ିଶା ଓ ଅନୁସୂଚିତ ଜନଜାତିର ଲୋକଙ୍କ ବିକାଶ ପାଇଁ ବହୁ କାର୍ୟ୍ୟ କରିଛନ୍ତି । ସ୍ୱର୍ଗତଃ ଚୈତନ୍ୟ ପ୍ରସାଦ ମାଝୀଙ୍କ ଝିଅ ସରୋଜିନୀ ହେମ୍ବ୍ରମ୍ ବର୍ତ୍ତମାନ ବିଜୁ ଜନତା ଦଳର ସାଂସଦ ଅଛନ୍ତି।