ଆଜିର ସମୟରେ ଆମ ଦେଶର ମହିଳାମାନେ ପାଶ୍ଚାତ୍ୟ ଜୀବନଶୈଳୀକୁ ଅଧିକ ଆପଣାଉଥିବାର ଦେଖାଯାଉଛି। ସକାଳ ଜଳଖିଆରେ ପିଲାଙ୍କୁ ଦେଶୀ ଖାଦ୍ୟ ପରିବର୍ତ୍ତେ ବିଦେଶୀ ଜଳଖିଆ ପରଷୁଛନ୍ତି। ରୋଗ ପ୍ରତିରୋଧକ ଶକ୍ତି ବୃଦ୍ଧି ନିମନ୍ତେ ଦେଶୀ ଜଳବାୟୁରେ ଉତ୍ପନ୍ନ ହେଉଥିବା ପନିପରିବା ଓ ଫଳମୂଳ ପିଲାଙ୍କୁ ଦେବା ଆବଶ୍ୟକ।
- ଖାଦ୍ୟ ବିଶେଷଜ୍ଞ ଶିଳ୍ପା ସିନ୍ଦେଙ୍କ ମତରେ ଡାକ୍ତରଙ୍କ ପରାମର୍ଶ ନେଇ ପିଲାଙ୍କୁ ଗାଈ ଖିର ଦେବାକୁ ଆରମ୍ଭ କରନ୍ତୁ। ବଜାରରେ ଆଜିକାଲି ମିଳୁଥିବା ଅର୍ଗାନିକ୍ ମିଲ୍କ, ସୋୟା ମିଲ୍କ, ଫ୍ଲେଭରଡ୍ ମିଲ୍କ ପଛରେ ନ ଧାଇଁ ବରଂ ଗାଈ ଖିର ପିଇବାକୁ ଦେବା ଉଚିତ।
- ଖିରରେ ପ୍ରସ୍ତୁତ ବ୍ୟଞ୍ଜନ ଖିରି, କିମ୍ବା ଚୁଡ଼ାଗୁଣ୍ଡ କରି ସେଥିରେ ଖିର ନଚେତ୍ ଦଲିୟାରେ ମଧ୍ୟ ଖିର ମିଶାଇ ପିଲାଙ୍କୁ ଖାଇବା ପାଇଁ ଦେବା ଭଲ। ନିୟମିତ ଖିର ପିଇଲେ ପିଲାଙ୍କ ଶରୀରରେ କ୍ୟାଲସିୟମ୍ ଜନିତ ଅଭାବ ଦେଖାଯାଇନଥାଏ।
- ଏହା ସହ ଖିର ପିଇଲେ ଅମ୍ଳ ହୋଇନଥାଏ ଓ ସେମାନଙ୍କ ଶରୀରକୁ ଆବଶ୍ୟକ ପରିମାଣରେ ଶକ୍ତି ମିଳେ। ଭିଟାମିନ୍ ଏ, ବି-୧, ବି-୨, ବି-୧୨, ପୋଟାସିୟମ୍, ଫସ୍ଫରସ୍ ଭରପୂର ଗାଈ ଖିର ମାନସିକ ଅଭିବୃଦ୍ଧି ମଧ୍ୟ କରାଏ।
- ପ୍ରତିଦିନ ପିଲାଙ୍କୁ ୨ଥର ଅନ୍ତତଃ ଖିର ପିଇବାକୁ ଦିଅନ୍ତୁ। ନଖ ଉଷୁମ ଖିରରେ ଅଳ୍ପ ଚିନି ମିଶାଇଲେ ତାହାର ସ୍ବାଦ ମଧ୍ୟ ବଢ଼େ। ଖିରରେ ମହଜୁଦ୍ ଥିବା ପୋଷକତତ୍ତ୍ବ ଆମ ହୃଦ୍ଯନ୍ତ୍ରକୁ ମଧ୍ୟ ସୁସ୍ଥ ରଖିବାରେ ସହାୟକ।
Comments are closed.