ମିଲ୍କ କେକର ଚାହିଦା

0

ଆଜିର ସମୟରେ ସବୁଥିରେ ଚାଲିଛି ଅପମିଶ୍ରଣ। ତେବେ ଏଭଳି କେତେକ ଜଳଖିଆ ଓ ମିଠା ଦୋକାନ ଅଛି, ଯେଉଁମାନେ ନିଜ ଶୁଦ୍ଧତା ପାଇଁ ହିଁ ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି। ମଧ୍ୟପ୍ରଦେଶରେ ସଂଖ୍ୟାଧିକ ଦର୍ଶନୀୟ ସ୍ଥାନ ଥିବାବେଳେ ପ୍ରତ୍ୟେକ ପ୍ରାନ୍ତରେ ସ୍ଥାନୀୟ ଅଞ୍ଚଳର ପାରମ୍ପରିକ ସୁଆଦିଆ ବ୍ୟଞ୍ଜନ ମଧ୍ୟ ଗ୍ରାହକଙ୍କ ମଧ୍ୟରେ ଖୁବ୍ ଲୋକପ୍ରିୟ। ସେଠାର ଶିବପୁରୀର ‘ମିଲ୍କ କେକ୍’ କେବଳ ଭାରତ ନୁହେଁ, ବିଦେଶରେ ମଧ୍ୟ ପ୍ରସିଦ୍ଧ। ଶୁଦ୍ଧ ଦେଶୀ ଗାଈ ଖିର ଓ ଘିଅରେ ପ୍ରସ୍ତୁତ ଏହି କେକ୍‌ କିଲୋ ପିଛ ୧୧୦୦-୧୫୦୦ ଟଙ୍କାରେ ବିକ୍ରି ହୋଇଥାଏ। ସ୍ଥାନୀୟ ଅଞ୍ଚଳର ସୁମତ୍ ମିଲ୍କ କେକ୍ ଦୋକାନ ଏଥିପାଇଁ ପରିଚିତ। ୯୧ ବର୍ଷ ପୁରୁଣା ଏଇ ଦୋକାନରେ କେବଳ ଶୁଦ୍ଧ ସାମଗ୍ରୀର ବ୍ୟବହାର ହେଉଥିଲାବେଳେ ମିଠା ନିମନ୍ତେ ୪ଦିନ ପୂର୍ବରୁ ଲୋକ ବରାଦ୍ ଦେଇଥାନ୍ତି। ନିୟମିତ ଭାବେ ସୁମତ୍‌ ଦୋକାନର ଏହି ମିଲ୍କ କେକ୍ ଦୁବାଇ, ଆମେରିକା ଓ କାନାଡା ରପ୍ତାନୀ ହୋଇଥାଏ। ଏହାର ପ୍ରସ୍ତୁତି ଶୈଳୀ ଖୁବ୍ ସ୍ବତନ୍ତ୍ର ହୋଇଥିବାବେଳେ କେହି ମଧ୍ୟ ଏହାକୁ ଅନୁକରଣ କରି ପ୍ରସ୍ତୁତ କରିପାରିନାହାନ୍ତି।

Comments
Loading...