ଧାରା ୩୭୦ ଉଛେଦ ଅସାମ୍ବିଧାନିକ, ଅନ୍ୟାୟ ଓ ଅନୈତିକ ଥିଲା – ମେହେବୁବା

ପ୍ରଧାନମନ୍ତ୍ରୀଙ୍କ ସହ ବୈଠକ ପରେ ପିଡିପି ନେତ୍ରୀ ମେହେବୁବା ମୁଫତି କହିଛନ୍ତି, ୨୦୧୯ ଅଗଷ୍ଟ ୫ ପରଠାରୁ ଜମ୍ମୁକାଶ୍ମୀରର ଲୋକମାନେ କଷ୍ଟରେ ଅଛନ୍ତି, ସେମାନେ ଭାବନାତ୍ମକ ସ୍ତରରେ ଖଣ୍ଡବିଖଣ୍ଡିତ ହୋଇଯାଇଛନ୍ତି। ସେମାନେ ଅପମାନିତ ହୋଇଛନ୍ତି। ଯେଉଁ ଉପାୟରେ ଧାରା ୩୭୦ ଉଛେଦ କରାଗଲା ତାହା ଅସାମ୍ବିଧାନିକ, ଅନ୍ୟାୟ ଓ ଅନୈତିକ ଥିଲା ବୋଲି ମୁଁ ପ୍ରଧାନମନ୍ତ୍ରୀଙ୍କୁ କହିଛି।

ମୁଫତି କହିଛନ୍ତି, ଜମ୍ମୁକାଶ୍ମୀରର ଜନସାଧାରଣ ସାମ୍ବିଧାନିକ, ଗଣତାନ୍ତ୍ରିକ ଓ ଶାନ୍ତିପୂର୍ଣ୍ଣ ଉପାୟରେ ସଂଗ୍ରାମ ଜାରି ରଖିବେ। ମାସ ହେଉ କି ବର୍ଷ, ଜମ୍ମୁକାଶ୍ମୀରରେ ଧାରା ୩୭୦ ପୁନଃଥାପିତ ନ ହେବା ଯାଏଁ ସଂଗ୍ରାମ ଜାରି ରହିବ କାରଣ ତାହା ଆମର ପରିଚୟ ବୋଲି ସେ କହିଛନ୍ତି। ସେ କହିଛନ୍ତି ଯେ ଆମକୁ ଏହି ଅଧିକାର ପାକିସ୍ତାନ ଠାରୁ ମିଳିନାହିଁ, ଜବାହାରଲାଲ ନେହେରୁ ଓ ସର୍ଦାର ପଟେଲ ଭଳି ନେତାଙ୍କ ଯୋଗୁ ଭାରତ ଆମକୁ ଏହି ଅଧିକାର ଦେଇଛି।

ବୈଠକରେ ମେହେବୁବା କେନ୍ଦ୍ର ସରକାରଙ୍କୁ ସାବାସୀ ଦେଇଛନ୍ତି ଯେ ପାକିସ୍ତାନ ସହ ଆଲୋଚନା ପରେ ଅସ୍ତ୍ରବିରତି ହ୍ରାସ ପାଇଛି ଓ ଅନୁପ୍ରବେଶ କମିଛି। ଜମ୍ମୁକାଶ୍ମୀରରେ ଶାନ୍ତି ପାଇଁ ସରକାର ସହ ପାକିସ୍ତାନ ସହ କଥା ହେବା ଆବଶ୍ୟକତା ଉପରେ ସେ ଗୁରୁତ୍ୱ ଦେଇଛନ୍ତି ଓ ପାକିସ୍ତାନ ସହ ବନ୍ଦ ରହିଥିବା ବାଣିଜ୍ୟ ବ୍ୟବସାୟ ପୁଣି ଆରମ୍ଭ ହେଲେ ବେରୋଜଗାରୀ କମିବା ବୋଲି ସେ କହିଛନ୍ତି।

Comments
Loading...