ମେହେବୁବାଙ୍କ ନଜରବନ୍ଦୀ ଅବଧି ଆଉ ୩ ମାସ ବୃଦ୍ଧି, ସାଜାଦ ଲୋନ ମୁକ୍ତ
ଶ୍ରୀନଗର: ପିପୁଲ୍ସ ଡ଼େମୋକ୍ରାଟିକ ପାର୍ଟି (ପିଡ଼ିପି) ଅଧ୍ୟକ୍ଷା ତଥା ଜାମ୍ମୁକାଶ୍ମୀର ପୂର୍ବ ମୁଖ୍ୟମନ୍ତ୍ରୀ ମେହେବୁବା ମୁଫତିଙ୍କ ନଜରବନ୍ଦୀ ଅବଧି ବୃଦ୍ଧି କରାଯାଇଛି । ତାଙ୍କୁ ଆଉ ୩ ମାସ ନଜରବନ୍ଦୀ ରହିବାକୁ ପଡ଼ିବ ବୋଲି ସୂଚନା ମିଳିଛି । ଗତବର୍ଷ ଜାମ୍ମୁକାଶ୍ମୀରରେ ୩୭୦ ଧାରା ଉଚ୍ଛେଦ ପରେ ମେହେବୁବାଙ୍କୁ ନଜରବନ୍ଦୀ ରଖାଯାଇଥିଲା । ଏହା ବିରୋଧରେ ସେ ଅଦାଲତର ଦ୍ବାରସ୍ଥ ମଧ୍ୟ ହୋଇଥିଲେ ।
Id like to confirm media reports that Ms Mufti’s PSA has been extended until November,2020. The petition challenging her unlawful detention has been pending in SC since 26th February. Where does one seek justice?
— Mehbooba Mufti (@MehboobaMufti) July 31, 2020
ଗୃହ ବିଭାଗ ପକ୍ଷରୁ ଜାରି ଏକ ଆଦେଶ ଅନୁସାରେ ମେହେବୁବା ନିଜ ସରକାରୀ ବାସଭବନରେ ଫେୟାରଭ୍ୟୁ ବଙ୍ଗଳାରେ ୩ ମାସ ନଜରବନ୍ଦୀ ରହିବେ । କିଛିଦିନ ତଳେ ତାଙ୍କୁ ତାଙ୍କର ସରକାରୀ ବାସଭବନକୁ ସ୍ଥାନାନ୍ତରିତ କରାଯାଇଥିଲା । ତାଙ୍କୁ ଜନସୁରକ୍ଷା ଅଧିନିୟମରୁ ମୁକ୍ତ କରାଯାଇ ନାହିଁ ଓ ପରବର୍ତୀ ଆଦେଶ ପର୍ଯ୍ୟନ୍ତ ସେ ଘରେ ବନ୍ଦୀ ଭାବରେ ରହିବେ । ଗତବର୍ଷ ଜାମ୍ମୁକାଶ୍ମୀର ପୁନର୍ଗଠନ ଅଧିନିୟମ ଲାଗୁ ପରେ ମେହେବୁବାଙ୍କ ସହ ବହୁ ନେତାଙ୍କୁ ବନ୍ଦୀ କରାଯାଇଥିଲା । ଜାମ୍ମୁକାଶ୍ମୀରର ପ୍ରଥମ ମହିଳା ମୁଖ୍ୟମନ୍ତ୍ରୀ ମେହେବୁବାଙ୍କୁ ପ୍ରଥମେ ହରି ନିବାସରେ ରଖାଯାଇଥିଲା ଏହାପରେ ତାଙ୍କୁ ଚସ୍ମାସାହିରେ ଏକ ସରକାରୀ ଅତିଥି ଭବନକୁ ସ୍ଥାନାନ୍ତର କରାଯାଇଥିଲା । ନଭେମ୍ବର ମାସରେ ତାଙ୍କୁ ଲାଲଚୌକରୁ କିଛି ଦୂର ଟ୍ରାନ୍ସପୋର୍ଟ ଲେନ୍ ଅଞ୍ଚଳର ଅନଏକ ସରକାରୀ ଅତିଥି ଭବନରେ ରଖାଯାଇଥିଲା । ତାଙ୍କ ସହ ପୂର୍ବ ମୁଖ୍ୟମନ୍ତ୍ରୀ ଉମର ଅବଦୁଲ୍ଲା, ଫାରୁକ୍ ଅବଦୁଲ୍ଲାଙ୍କୁ ଗିରଫ କରାଯାଇଥିଲା । ତେବେ ପରବର୍ତୀ ସମୟରେ ଉମର ଓ ଫାରୁକଙ୍କୁ ମୁକ୍ତ କରାଯାଇଥିଲା ।
Finally 5 days short of a year I have been officially informed that I am a free man. So much has changed. So have I. Jail was not a new experience. Earlier ones were harsh with usual doses of physical torture. But this was psychologically draining. Much to share hopefully soon.
— Sajad Lone (@sajadlone) July 31, 2020
ତେବେ ଏକ ପକ୍ଷରେ ମେହେବୁବାଙ୍କ ନଜରବନ୍ଦୀ ଅବଧି ବୃଦ୍ଧି କରାଯାଇଥିବାବେଳେ ପିପୁଲ୍ସ କନଫରେନ୍ସ ନେତା ସାଜାଦ ଲୋନଙ୍କୁ ଶୁକ୍ରବାର ମୁକ୍ତ କରାଯାଇଛି । ଲୋନ ନିଜେ ଟ୍ବିଟ୍ କରି ଏ ସମ୍ପର୍କରେ ସୂଚନା ଦେଇଛନ୍ତି ।
Comments are closed.