ଲାଞ୍ଜିଗଡ଼: ଗ୍ରାମାଞ୍ଚଳର ସମସ୍ୟାର ସମାଧାନ କରିବାରେ ଶାସନ, ପ୍ରଶାସନର ଭୂମିକା ଭଳି ସାମ୍ବାଦିକର ଗୁରୁଦାୟିତ୍ବ ରହିଛି। ଏ ଦିଗରେ ରାଜ୍ୟର ଅଗ୍ରଣୀ ସାମ୍ବାଦିକ ସଂଗଠନ ଲାଞ୍ଜିଗଡ଼ ପ୍ରେସ୍ କ୍ଲବର ଅଦ୍ବିତୀୟ ଭୂମିକା ରହିଛି ବୋଲି ଆଜି ଲାଞ୍ଜିଗଡ଼ ନିକଟସ୍ଥ ଟାଙ୍ଗନକନା ଡ୍ୟାମ୍ ନିକଟସ୍ଥ ପ୍ରାକୃତିକ ପରିବେଶରେ ଅନୁଷ୍ଠିତ ସ୍ବତନ୍ତ୍ର ବୈଠକରେ ଅତିଥିମାନେ ମତବ୍ୟକ୍ତ କରିଛନ୍ତି। ଲାଞ୍ଜିଗଡ଼ ପ୍ରେସ୍ କ୍ଲବର ଏହି ସ୍ବତନ୍ତ୍ର ବୈଠକରେ ଅତିଥି ଭାବେ ଲାଞ୍ଜିଗଡ଼ ଯୁବକ ସଂଘର ସଭାପତି ହିମାଦ୍ରୀ ପେସନିଆ, ସଂପାଦକ ଭୁପେନ୍ଦ୍ର ମହାରଥା, ସୁମନ୍ତ ଦଳବେହେରା, ସତ୍ୟନାରାୟଣ ନାୟକ, ତ୍ରିଲୋଚନ ପୁଝାରୀ ପ୍ରମୁଖ ଯୋଗ ଦେଇଥିଲେ। ପ୍ରେସ୍ କ୍ଲବର ସଭାପତି କୈଳାସ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ସାଧାରଣ ସଂପାଦକ ସୁଶୀଲ କୁମାର ବାଗ ବିବରଣୀ ପଠନ କରିବା ସହିତ ସଭା ପରିଚାଳନା କରିଥିଲେ। ସଦସ୍ୟ ଏମ୍. ଚନ୍ଦ୍ରଶେଖର ଅତିଥି ପରିଚୟ ଓ ସ୍ବାଗତ ଭାଷଣ ପ୍ରଦାନ କରିଥିଲେ। ଏଥିରେ କୋଷାଧ୍ୟକ୍ଷ ପରେଶ କୁମାର ନାୟକ, ସଦସ୍ୟ କ୍ଷମାନିଧି ମହାକୁଡ଼, ପଦ୍ମଲୋଚନ ସାହୁ, ଶଙ୍କର୍ଷଣ ସାହୁ ପ୍ରମୁଖ ଯୋଗ ଦେଇ ଲାଞ୍ଜିଗଡ଼ ବ୍ଲକର ବିଭିନ୍ନ ସମସ୍ୟା ଓ ଏହାର ସମାଧାନ ଦିଗରେ ଲାଞ୍ଜିଗଡ଼ ପ୍ରେସ୍ କ୍ଲବର ଭୂମିକା ସଂପର୍କରେ ଆଲୋଚନା କରିଥିଲେ। ଏଇ ଅବସରରେ କ୍ଲବର ନୂତନ ସଦସ୍ୟ ଭାବେ ରମେଶ କୁମାର ନାୟକ, ଧର୍ମେନ୍ଦ୍ର ପଣ୍ଡା, ଆଶୁତୋଷ ପୁରୋହିତ ପ୍ରମୁଖଙ୍କୁ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା।
Comments are closed.