MEllora 950×100

ମୁମ୍ବାଇରେ ମିଳିମିଳା ଆତଙ୍କ; ୧୨ଜଣଙ୍କ ମୃତ୍ୟୁ, ଗଲା ୮ମାସ ଶିଶୁର ଜୀବନ

ନୂଆଦିଲ୍ଲୀ: ମୁମ୍ବାଇରେ ଚିନ୍ତା ବଢ଼ାଇଲାଣି ମିଳିମିଳା । ମିଳିମିଳା କାରଣରୁ ବର୍ତ୍ତମାନ ମୁମ୍ବାଇରେ ପରିସ୍ଥିତି ଧୀରେ ଧୀରେ ଜଟିଳ ହେବାକୁ ଲାଗିଲାଣି । ମିଳିମିଳା ଯୋଗୁଁ ଏକ ଆଠ ମାସର ଶିଶୁର ମୃତ୍ୟୁ ହୋଇଛି । ମୋଟ୍‌ ମୃତ୍ୟୁସଂଖ୍ୟା ୧୨ରେ ପହଞ୍ଚିଛି । ଖାଲି ମୁମ୍ବାଇ କାହିଁକି ବିହାର, ଗୁଜୁରାଟ, ହରିୟାଣା, ଝାଡ଼ଖଣ୍ଡ, କେରଳ ଓ ମହାରାଷ୍ଟ୍ରରେ ମଧ୍ୟ ମିଳିମିଳା ବୃଦ୍ଧିପାଇାବରେ ଲାଗିଛି । ଯାହାକୁ ନେଇ ଭୟ କେନ୍ଦ୍ର ଓ ରାଜ୍ୟ ସରକାର ଚିନ୍ତାରେ ରହିଛନ୍ତି । ବଢ଼ୁଥିବା ମିଳିମିଳା ମାମଲାକୁ ଦୃଷ୍ଟିରେ ରଖି କେନ୍ଦ୍ର ସରକାର ଗତକାଲି ଆଡଭାଇଜରି ଜାରି କରିଛନ୍ତି ଏବଂ ରାଜ୍ୟ ସରକାର ମାନଙ୍କୁ ପରାମର୍ଶ ଦିଆଯାଇଛି ।

ଅଧିକାରୀଙ୍କ ସୂଚନା ଅନୁସାରେ ବର୍ତ୍ତମାନ ମୁମ୍ବାଇରେ ୧୩ଜଣ ମିଳିମିଳା ରୋଗୀ ଚିହ୍ନଟ ହୋଇଛନ୍ତି । ଏମାନଙ୍କୁ ମିଶାଇ ଚଳିତ ବର୍ଷର ମିଳିମିଳା ରୋଗୀଙ୍କ ମୋଟ ସଂକ୍ରମିତଙ୍କ ସଂଖ୍ୟା ୨୩୩କୁ ବୃଦ୍ଧି ପାଇଛି । ଯାହାକି ବର୍ତ୍ତମାନ ବିପଦ ସୃଷ୍ଟି କରିଛି । ମଙ୍ଗଳବାର ଭବଣ୍ଡିର ଏକ ଆଠ ମାସର ଶିଶୁ ମୁମ୍ବାଇର ଏକ ଡାକ୍ତରଖାନାରେ ମୃତ୍ୟୁ ବରଣ କରିଥିବା ଅଧିକାରୀ ସୂଚନା ଦେଇଛନ୍ତି ।

ସରକାରଙ୍କ ତଥ୍ୟ ଅନୁସାରେ ଶିଶୁଟି ମିଳିମିଳାରେ ପୀଡ଼ିତ ହେବା ପରେ ନଭେମ୍ବର ୨୦ରେ ମ୍ୟୁନିସିପାଲିଟି ଡାକ୍ତରଖାନାରେ ଭର୍ତ୍ତି କରାଯାଇଥିଲା । ମାତ୍ର କିଛି ଘଣ୍ଟା ମଧ୍ୟରେ ଶିଶୁଟିର ମୃତ୍ୟୁ ହୋଇଥିଲା । ରାଞ୍ଚି, ଅହମ୍ମଦାବାଦ ଏବଂ ମାଲାପୁରାମରେ ପିଲାମାନଙ୍କ ମଧ୍ୟରେ ମିଳିମିଳା ରୋଗର ବୃଦ୍ଧିକୁ ଆକଳନ ତଥା ପରିଚାଳନା ପାଇଁ କେନ୍ଦ୍ର ସରକାର ଉଚ୍ଚ ସ୍ତରୀୟ ଦଳ ନିୟୋଜିତ କରିଛନ୍ତି । ସ୍ୱାସ୍ଥ୍ୟ ମନ୍ତ୍ରଣାଳୟ ଏକ ସରକାରୀ ବିବୃତ୍ତିରେ କହିଛନ୍ତି ଯେ ଏହି ଦଳ ମିଳିମିଳା ରୋଗର ବୃଦ୍ଧି ଧାରାକୁ ଦେଖିବେ । ବିବୃତ୍ତି ଅନୁଯାୟୀ ଏହି ଟିମ୍ ରାଜ୍ୟ ସ୍ୱାସ୍ଥ୍ୟ ଅଧିକାରୀଙ୍କୁ ଏହି ରୋଗର ମୁକାବିଲା କରିବାରେ ସାହାଯ୍ୟ କରିବେ । ଏହି ତିନୋଟି ସହରରେ ପିଲାମାନଙ୍କ ମଧ୍ୟରେ ମିଳିମିଳା ରୋଗର ବୃଦ୍ଧି ରେକର୍ଡ କରାଯାଇଛି।

ଅଧିକାରୀ ମାନେ ଘରକୁ ଘର ବୁଲି ଯାଞ୍ଚ କରୁଛନ୍ତି । ଏନେଇ ସମସ୍ତ ଦିଗ ଉପରେ ଦଅଷ୍ଟି ରଖିଛନ୍ତି ସରକାର । ମହାରାଷ୍ଟ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ତାନାଜୀ ସାୱନ୍ତ ମଙ୍ଗଳବାର ରାଜ୍ୟ ସ୍ୱାସ୍ଥ୍ୟ ବିଭାଗର ଅଧିକାରୀ, ପୌରପାଳିକା ଅଧିକାରୀ ଓ ବିଶ୍ୱ ସ୍ୱାସ୍ଥ୍ୟ ସଂଗଠନର ବିଶେଷଜ୍ଞଙ୍କ ସହ ବୈଠକ କରିଥିବା ଜଣାପଡ଼ିଛି ।

Comments are closed.