ମହାମାରୀର ପ୍ରକୋପ ବଢ଼ିଚାଲିଥିବାବେଳେ ଏଇ ସମୟରେ ଦୋକାନରୁ ମିଠା କିଣି ଆଣି ଭୋଗ ଲଗାଇବା ଆଦୌ ନିରାପଦ ନୁହେଁ। ଏଣୁ ଘରେ କେତୋଟି ସାମଗ୍ରୀର ଉପଯୋଗ କରି ସୁଆଦିଆ ପେଡ଼ା ତିଆରି କରି ଭଗବାନ ଶ୍ରୀକୃଷ୍ଣଙ୍କ ପାଖରେ ଭୋଗ ଲଗାନ୍ତୁ। ମଥୁରାରେ ଘରେଘରେ ଲୋକେ କୃଷ୍ଣଙ୍କ ନିକଟରେ ମଥୁରା ପେଡ଼ା ଭୋଗ ଲଗାଇଥାନ୍ତି। ସ୍ଥାନୀୟ ଲୋକଙ୍କ ମତରେ ଖୁଆରେ ପ୍ରସ୍ତୁତ ଏଇ ପେଡ଼ାଟି କାହ୍ନାଙ୍କର ଖୁବ୍ ପ୍ରିୟ।
ମଥୁରା ପେଡ଼ା ପାଇଁ ଆବଶ୍ୟକ ସାମଗ୍ରୀମାନ:
ଖୁଆ ୨୫୦ ଗ୍ରାମ୍, ଗୁଣ୍ଡ ଚିନି ୨୦୦ ଗ୍ରାମ୍, ଘିଅ ୩ ବଡ଼ ଚାମଚ, ଗୁଜୁରାତି ଗୁଣ୍ଡ ୧ଛୋଟ ଚାମଚ
ପ୍ରସ୍ତୁତି: ପେଡ଼ା ତିଆରି ପୂର୍ବରୁ ପ୍ରଥମେ ଖୁଆକୁ ଏକ ପାତ୍ରରେ ଭଲଭାବେ ଚକଟିନିଅନ୍ତୁ। ଏବେ ଚୁଲାରେ କଡ଼େଇ ବସାଇ ଖୁଆ ପକାଇବେ। ହାଲକା ବାଦାମୀ ରଙ୍ଗ ଖୁଆ ନ ହେବା ପର୍ଯ୍ୟନ୍ତ ଏପାଖସେପାଖ କରୁଥିବେ। ବାଦାମୀ ରଙ୍ଗ ହେବା ମାତ୍ରେ ୨ ଚାମଚ ଘିଅ ମିଶାନ୍ତୁ। ଏହି ଦୁଇ ମିଶ୍ରଣ ବାଦାମୀ ରଙ୍ଗ ହେବା ପର୍ଯ୍ୟନ୍ତ ଦୃଷ୍ଟିରଖନ୍ତୁ। ମିଶ୍ରଣ ଯଦି ସମ୍ପୂର୍ଣ୍ଣ ଶୁଖିଯାଉଛି, ତେବେ ଅଳ୍ପ ସରମିଶା ଖିର ମିଶାଇଦେବେ। ଏବେ ଚୁଲା ବନ୍ଦ କରି ଗୁଣ୍ଡ ଚିନି ଓ ଗୁଜୁରାତି ଗୁଣ୍ଡ ମିଶାନ୍ତୁ। ମିଶ୍ରଣ ସାମାନ୍ୟ ଗରମ କମିବା ପରେ ତାହାକୁ ହାତରେ ଗୋଲଗୋଲ ଆକାର କରି ରଖନ୍ତୁ। ମଥୁରାର ଖୁଆ ପେଡ଼ା ପ୍ରସ୍ତୁତ। ଏବେ ଭଗବାନ ଶ୍ରୀକୃଷ୍ଣଙ୍କ ପାଖେ ଭୋଗ ଲଗାଇ ସପରିବାର ମଧ୍ୟ ଏହା ଖାଆନ୍ତୁ।
Comments are closed.