ଭୁବନେଶ୍ୱର: ଭଗବାନଙ୍କ ଦ୍ବିତୀୟ ରୂପ କୁହାଯାଉଥିବା ଡାକ୍ତରଙ୍କ ଏବେ ମାତାଲ ରୂପ ସାମ୍ନାକୁ ଆସିଛି। ମଦ ପିଇ ମାତାଲ ହୋଇ ଜଣେ ଡାକ୍ତର ବାବୁ ଜଣଙ୍କ ଘରେ ପଶି ଉନ୍ମତ୍ତକାଣ୍ଡ ଭିଆଇଥିବା ଅଭିଯୋଗ ହୋଇଛି। ପୁଲିସ ମାତାଲ ଡାକ୍ତର ବାବୁଙ୍କୁ ଉଠାଇ ଆଣି ଥାନାରେ ଅଟକ ରଖିଥିବା ଜଣାପଡିଛି।
ସୂଚନାଯୋଗ୍ୟ, ନିଶାଶକ୍ତ ଅବସ୍ଥାରେ ମାତାଲ ହୋଇ ଜଣେ ଯୁବକ(ଡାକ୍ତର) ଶୁକ୍ରବାର ବିଳମ୍ବିତ ରାତିରେ ଷ୍ଟେସନ ଅଞ୍ଚଳରେ ଥିବା ଜଣେ ବ୍ୟକ୍ତିଙ୍କ ଘରେ ପଶିଥିଲେ। ଘରର ମୁଖିଆ ତାଙ୍କୁ ଦେଖି ଆଶ୍ଚର୍ଯ୍ୟ ହୋଇ ଯାଇଥିଲେ ଏବଂ ତୁରନ୍ତ ଥାନାରେ ଅଭିଯୋଗ କରିଥିଲେ। ପାଟ୍ରୋଲିଂ ପୁଲିସ ଘଟଣାସ୍ଥଳରେ ପହଞ୍ଚି ମାତାଲ ଯୁବକଙ୍କୁ ଥାନାକୁ ଉଠାଇ ଆଣିଥିଲା। ପଚାରଉଚରା ପରେ ଜଣାପଡିଥିଲା ଯେ, ମାତଲା ଯୁବକ ଜଣଙ୍କ ହେଉଛନ୍ତି ବଲାଙ୍ଗୀର ଜିଲ୍ଲା ମୁଖ୍ୟ ଚିକିତ୍ସାଳୟର କ୍ୟାନସର୍ ବିଭାଗର ନୋଡାଲ ଅଫିସର ଡାକ୍ତର ଅବିନାଶ ମିଶ୍ର। ଏପର୍ଯ୍ୟନ୍ତ ମାତାଲ ଡାକ୍ତର ବାବୁ ନିଶା ଛାଡିଛି କି ନାହିଁ ତାହା ଜଣାପଡି ନଥିବା ବେଳେ ଥାନାରେ ଅଟକ ଥିବା ସୂଚନା ମିଳିଛି। ପୁଲିସ ତାଙ୍କ ସ୍କୁଟିରୁ ମଦ ବୋତଲ ଜବତ କରିଛି।
Comments are closed.