ସାଂସଦ ବାଣ୍ଟିଲେ ମାସ୍କ, କଲେ ସଚେତନ

ଫୁଲବାଣୀ: ଜିଲା ଗସ୍ତରେ ଆସିଥିବା କନ୍ଧମାଳ ସାଂସଦ ଆଜି ଖଜୁରିପଡ଼ା ବ୍ଳକର ପିରିକୁଡ଼ି ଓ ଫୁଲବାଣୀ ବ୍ଳକର ଗଂଜୁଗୁଡ଼ାଠାରେ ପହଞ୍ଚି ଅଞ୍ଚଳବାସୀଙ୍କୁ କରୋନା ସଂକ୍ରମଣ ଉପରେ ସଚେତନ କରିବା ସହିତ ମାସ୍କ ପ୍ରଦାନ କରିଥିଲେ। କିସ୍‍ ପକ୍ଷରୁ ଆୟୋଜିତ ଏକ ସଚେତନ କାର୍ଯ୍ୟକ୍ରମରେ ହାଇଦ୍ରାବାଦ୍‍ ସ୍ଥିତ ଯୁକ୍ତରାଷ୍ଟ୍ର ବାଣିଜ୍ୟିକ ଦୂତାବାସ ସହଯୋଗ କରିଥିବା ବେଳେ ଏହି ଅବସରରେ କନ୍ଧମାଳ ସାଂସଦ ସ୍କୁଲ ପିଲାଙ୍କଠାରୁ ଆରମ୍ଭ କରି ବୃଦ୍ଧ ଓ ବୃଦ୍ଦା ସମସ୍ତଙ୍କ ମାକ୍ସ ବଂଟନ କରିବା ସହିତ ଏହାର ବ୍ୟବହାର ସମ୍ପର୍କରେ ଅବଗତ କରାଇଥିଲେ। ଏହିସବୁ କାର୍ଯ୍ୟକ୍ରମ ମାନଙ୍କରେ ଜିଲା ବିଜେଡି ସଭାପତି ସରୋଜ କର୍ଣ୍ଣ, ଫୁଲବାଣୀ ବ୍ଳକ ଅଧ୍ୟକ୍ଷ ମଂଜୁଦେବୀ କହଁର, ଜିଲା ଯୁବ ସଭାପତି ବିଷ୍ଣୁ ମଲିକ, ଛାତ୍ର ସଭାପତି ସୁନିଲ୍‍ ସେଠୀ, କନ୍ଧମାଳ ଜୀବନବିନ୍ଧୁ ସଂଯୋଜକ ଦେବେନ୍ଦ୍ର ସାମଲ, ଖଜୁରିପଡ଼ା ବ୍ଳକ ଅଧ୍ୟକ୍ଷ ବିରେନ୍ଦ୍ର କହଁର, ପୂର୍ବତନ ଫୁଲବାଣୀ ବ୍ଳକ ଅଧ୍ୟକ୍ଷ ଭଜମନ ପ୍ରଧାନ, ଚକାପାଦ ବ୍ଳକ ସଭାପତି ରାଜେଶ କୁମାର ଦିଗାଲ, ବିଧାୟକ ପ୍ରତିନିଧି ନିଳାମ୍ବର କହଁର, ବିଶିପଡ଼ା ସରପଂଚ ମନିଷି ମଲିକ, ଦୁଡ଼ୁକି ସରପଂଚ ବଳଦେବ କହଁର, ଗଂଜୁଗୁଡ଼ା ସରପଂଚ ସୌଦାମିନି ମଲିକ, ଫୁଲବାଣୀ ବ୍ଳକ ମହିଳା ସଭାନେତ୍ରୀ ରମାଦେବୀ ବିଶୋୟୀ, ଖଜୁରିପଡ଼ା ଜିଲା ପରିଷଦ ସଭ୍ୟା, ପିରିକୁଡ଼ି ସରପଂଚ ଓ ଅନ୍ୟମାନେ ଏଥିରେ ସାମିଲ୍‍ ହୋଇଥିଲେ।