‘ମେରାଇନ୍‌ ଡ୍ରାଇଭ୍‌ ଇକୋ-ରିଟ୍ରିଟ୍‌’ କାର୍ଯ୍ୟକ୍ରମକୁ ଉଦଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

୪୯ ଦିନ ଧରି ଅନୁଷ୍ଠିତ ହେବ କାର୍ଯ୍ୟକ୍ରମ

ଭୁବନେଶ୍ବର : ପର୍ଯ୍ୟଟନ କ୍ଷେତ୍ରରେ ରାଜ୍ୟ ସରକାରଙ୍କ ଆଉ ଏକ ପଦକ୍ଷେପ ସ୍ବରୂପ  ‘ମେରାଇନ୍‌ ଡ୍ରାଇଭ୍‌ ଇକୋ-ରିଟ୍ରିଟ୍‌’ ବା ବିଚ୍‌ ରିଟ୍ରିଟ୍‌ କାର୍ଯ୍ୟକ୍ରମର ଶୁଭାରମ୍ଭ ହୋଇଛି । ଶନିବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦ୍‌ଘାଟନ କରିଛନ୍ତି।

ଚନ୍ଦ୍ରଭାଗା ବେଳାଭୂମିରେ ଏକ ଭିନ୍ନ ମୁଦ୍ରାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଏହା ଓଡ଼ିଶା ପର୍ଯ୍ୟଟନକୁ ନୂଆ ମାର୍ଗ ପ୍ରଦାନ କରିବ ଓ ରାଜ୍ୟ ପର୍ଯ୍ୟଟନ ମାନଚିତ୍ରରେ ଯୋଡ଼ି ହେବ ଆଉ ଏକ ବୃହତ ଉତ୍ସବ ହେବ। ଚନ୍ଦ୍ରଭାଗା-ରାମଚଣ୍ଡୀ ବେଳାଭୂମିରେ ୪୯ ଦିନ ଧରି ଏହି କାର୍ଯ୍ୟକ୍ରମ ଅନୁଷ୍ଠିତ ହେବ। ଯାହାକି କେବଳ ରାଜ୍ୟର ନୁହେଁ ରାଜ୍ୟ ବାହାର ତଥା ବିଦେଶୀ ପର୍ଯ୍ୟଟକଙ୍କୁ ଆକୃ‌ଷ୍ଟ କରିବ । ରାଜ୍ୟର ପର୍ଯ୍ୟଟନ ଶିଳ୍ପକୁ ଏହି କାର୍ଯ୍ୟକ୍ରମ ସମୃଦ୍ଧ କରିବ।

ଏଥିରେ ରହିଛି ୫୦ଟି ଶଯ୍ୟା ବିଶିଷ୍ଟ ୨ ଆକର୍ଷଣୀୟ ଟେଣ୍ଟ୍‌ । ପର୍ଯ୍ୟଟକଙ୍କ ରହିବା ପାଇଁ ଟେଣ୍ଟ୍‌ଗୁଡ଼ିକୁ କ୍ଲାସିକ୍‌ କଟେଜ୍‌, ଡିଲକ୍ସ କଟେଜ୍‌, ପ୍ରିମିୟମ କଟେଜ୍‌, ରୟାଲ୍‌ କଟେଜ୍‌ ଓ ପ୍ରେସିଡେନ୍‌ସିଆଲ୍‌ ଭିଲ୍ଲା ଆଦିରେ ଶ୍ରେଣୀଭୁକ୍ତ କରାଯାଇଛି । ଏଠାରେ ରହିବା ପାଇଁ ରାତି ପିଛା ଜଣଙ୍କ ପାଇଁ ୭ରୁ ୨୨ ହଜାର ଟଙ୍କା ରଖାଯାଇଛି । ଏଥିର ଖାଦ୍ୟପେୟ, ବିଚ୍‌ ସ୍ପା, ସାହସିକ ଓ ଜଳକ୍ରୀଡ଼ା, ନେଚର୍‌ ସମେତ ସାଂସ୍କୃତିକ କାର୍ଯ୍ୟକ୍ରମ ଉପଭୋଗ କରିବାର ସୁଯୋଗ ପାଇପାରିବେ। ରାଜ୍ୟ ପର୍ଯ୍ୟଟନ ବିଭାଗ ପକ୍ଷରୁ ଏଥିପାଇଁ ୪କୋଟି ୮୨ ଲକ୍ଷ ଟଙ୍କା ଖର୍ଚ୍ଚ ହୋଇଛି। ଏଯାବତ୍‌ ୧୮୪ ଜଣ ବୁକିଂ କରିସାରିଛନ୍ତି। ଏହି ଉତ୍ସବ ଜାନୁଆରୀ ୩୧ ପର୍ଯ୍ୟନ୍ତ ଅନୁଷ୍ଠିତ ହେବ।

Comments
Loading...