ସାମ୍ବାଦିକଙ୍କ ନିକଟକୁ ମାଓବାଦୀଙ୍କ ଫୋନ; ନିଖୋଜ ଯବାନଙ୍କୁ ଦୁଇ ଦିନ ଭିତରେ କରିବେ ମୁକ୍ତ

ବିଜାପୁର: ଛତିଶଗଡ଼ର ବିଜାପୁରରେ ଗତ ଶନିବାର ମାଓବାଦୀ ଏବଂ ଯବାନଙ୍କ ମଧ୍ୟରେ ଘଟିଥିବା ଏନକାଉଣ୍ଟର ସମୟରେ ୨୨ ଯବାନ ଶହୀଦ ହୋଇଥିଲେ। ଏଥିରେ ଅନ୍ୟ ୩୦ ଯବାନ ଆହତ ହୋଇଥିବାବେଳେ ଏବେ ବି ଜଣେ ଯବାନ ନିଖୋଜ ରହିଛନ୍ତି। ନିଖୋଜ ଥିବା ଯବାନ ଜଣକ ଏବେ ମାଓବାଦୀଙ୍କ କବ୍‌ଜାରେ ଥିବା ସୂଚନା ମିଳିଛି। ଏପରି କି ମାଓବାଦୀମାନେ ତାଙ୍କୁ ୨ ଦିନ ଭିତରେ ମୁକ୍ତ କରିଦେବେ ବୋଲି ଜଣେ ସାମ୍ବାଦିକଙ୍କ ନିକଟକୁ ଫୋନ କରି କହିଥିବା ଜଣାପଡ଼ିଛି।

ବିଜାପୁରର ଜଣେ ସାମ୍ବାଦିକ ଦାବି କରିଛନ୍ତି ଯେ, ମାଓବାଦୀମାନେ ତାଙ୍କ ନିକଟକୁ ୨ ଥର ଫୋନ୍‌ କରିଛନ୍ତି। ମାଓବାଦୀମାନେ କହିଥିଲେ ଯେ, ଯବାନ ଜଣକ ଆହତ ଅବସ୍ଥାରେ ଅଛନ୍ତି। ତାଙ୍କ ଶରୀରରେ ଗୁଳି ବାଜିଛି। ତାଙ୍କର ଚିକିତ୍ସା ଚାଲିଛି। ତାଙ୍କୁ ଦୁଇ ଦିନ ଭିତରେ ଛାଡ଼ି ଦିଆଯିବ। ଖୁବଶୀଘ୍ର ଯବାନଙ୍କ ଫଟୋ ଏବଂ ଭିଡିଓ  ଜାରି କରାଯିବ ବୋଲି ମାଓବାଦୀମାନେ ତାଙ୍କୁ କହିଥିବା ସାମ୍ବାଦିକ ଜଣକ କହିଛନ୍ତି।

ଅନ୍ୟପଟେ ଯବାନଙ୍କୁ ପୁଲିସ ପକ୍ଷରୁ ଖୋଜାଖୋଜି କରାଯାଉଛି। ପୁଲିସ ସ୍ଥାନୀ ଗ୍ରାମବାସୀଙ୍କୁ ପଚରାଉଚରା କରୁଛି।

Comments are closed.