ଜମ୍ମୁ କାଶ୍ମୀରର ଉପ-ରାଜ୍ୟପାଳ ଭାବେ ଶପଥ ଗ୍ରହଣ କଲେ ମନୋଜ ସିହ୍ନା

ଜମ୍ମୁ କାଶ୍ମୀର : ଜମ୍ମୁ କାଶ୍ମୀରର ଉପ-ରାଜ୍ୟପାଳ ଭାବେ ଶପଥ ଗ୍ରହଣ କରିଛନ୍ତି ମନୋଜ ସିହ୍ନା । ଜମ୍ମୁ କାଶ୍ମୀର ହାଇକୋର୍ଟର ପ୍ରଧାନ ବିଚାରପତି ଉପ-ରାଜ୍ୟପାଳ ମନୋଜ ସିହ୍ନାଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି। ଜମ୍ମୁ କାଶ୍ମୀର ରାଜ୍ୟ ବିଭାଜିତ ହୋଇ କେନ୍ଦ୍ରଶାସିତ ଅଞ୍ଚଳରେ ପରିଣତ ହେବା ପରେ ବିଜେପି ନେତା ମନୋଜ ସିହ୍ନା ଜମ୍ମୁ-କାଶ୍ମୀରର ଦ୍ୱିତୀୟ ଉପରାଜ୍ୟପାଳ ଭାବେ ଶପଥ ଗ୍ରହଣ କରିଛନ୍ତି । ବୁଧବାର ଜମ୍ମୁ କାଶ୍ମୀର ଉପରାଜ୍ୟପାଳ ଥିବା ଗିରୀଶ ଚନ୍ଦ୍ର ମୁର୍ମୁ ଉପରାଜ୍ୟପାଳ ପଦରୁ ଇସ୍ତଫା ଦେବା ପରେ ଗୁରୁବାର ବରିଷ୍ଠ ବିଜେପି ନେତା ମନୋଜ ସିହ୍ନାଙ୍କୁ ଜମ୍ମୁ କାଶ୍ମୀରର ନୂଆ ଉପରାଜ୍ୟପାଳ ନିଯୁକ୍ତ କରାଯାଇଥିଲା।

Manoj Sinha takes oath as the new Lieutenant Governor of Jammu and Kashmir.

He succeeds Girish Chandra Murmu who has now been appointed as the new Comptroller & Auditor General of India (CAG). pic.twitter.com/vFPi6Xgn7O

— ANI (@ANI) August 7, 2020

ମନୋଜ ସିହ୍ନା ଉତ୍ତରପ୍ରଦେଶର ଗାଜିପୁର ସଂସଦୀୟ ନିର୍ବାଚନମଣ୍ଡଳୀରେ ଲୋକସଭାରେ ତିନିଥର ପ୍ରତିନିଧିତ୍ୱ କରିଛନ୍ତି। ଏଥି ସହିତ ଗତ ବର୍ଷ ଅନୁଷ୍ଠିତ ଲୋକସଭା ନିର୍ବାଚନରେ ​​ତାଙ୍କୁ ବହୁଜନ ସମାଜ ପାର୍ଟିର ଆଫଜଲ ଅନସାରୀ ପରାସ୍ତ କରିଥିଲେ। ମନୋଜ ସିହ୍ନା ମଧ୍ୟ ମୋଦି ସରକାରଙ୍କ ପ୍ରଥମ କାର୍ଯ୍ୟକାଳରେ କନିଷ୍ଠ ରେଳ ମନ୍ତ୍ରୀ ଭାବରେ କାର୍ଯ୍ୟ କରିଥିଲେ।