ଆମ୍ବ ଶ୍ରୀଖଣ୍ଡ

ପାଚିଲା ଆମ୍ବର ଜୁସ୍ , ଆଇସକ୍ରିମ୍, ଲସି ଆଦି ନିଶ୍ଚୟ ଖାଇଥିବେ । ହେଲେ ଆମ୍ବ ଶ୍ରୀଖଣ୍ଡ ନାମ କେବେ ଶୁଣିଛନ୍ତି କି? ମହାରାଷ୍ଟ୍ର, ଗୁଜୁରାଟ, ମଧ୍ୟପ୍ରଦେଶ, ରାଜସ୍ଥାନ ଓ ଦକ୍ଷିଣ ଭାରତର କିଛି ରାଜ୍ୟରେ ଆମ୍ବ ଶ୍ରୀଖଣ୍ଡ ବେଶ୍ ଲୋକପ୍ରିୟ । ତେବେ ଆସନ୍ତୁ ଜାଣିବା ଆମ୍ବ ଶ୍ରୀଖଣ୍ଡର ପ୍ରସ୍ତୁତ ପ୍ରଣାଳୀ ।

ଆବଶ୍ୟକୀୟ ସାମଗ୍ରୀ : ଦୁଇଟି ପାଚିଲା ଆମ୍ବ, ଦହି, ପେଷା ଯାଇଥିବା ଚିନି, ଫ୍ରେସ୍ କ୍ରିମ୍, ଗୁଜରାତି ଗୁଣ୍ଡ, ଡ୍ରାଏ ଫ୍ରୁଟ୍ସ

ପ୍ରସ୍ତୁତ ପ୍ରଣାଳୀ : ପ୍ରଥମେ ପାଚିଲା ଆମ୍ବର ଚୋପା ଛଡାଇ ଛୋଟ ଛୋଟ ଖଣ୍ଡରେ କାଟି ଦିଅନ୍ତୁ । ଏହାକୁ ବ୍ଲେଣ୍ଡର ବା ଗ୍ରାଇଣ୍ଡରରେ ପେଷି ଦିଅନ୍ତୁ । ଏକ ସଫା କପଡା ସାହାଯ୍ୟରେ ଦହିରୁ ପାଣି ବାହାର କରି ମୋଟା ଅଂଶକୁ ପେଷା ଯାଇଥିବା ଆମ୍ବରେ ପକାଇ ଗୋଳାନ୍ତୁ । ପରେ ସେଥିରେ ପେଷା ଯାଇଥିବା ଚିନି, ଫ୍ରେସ୍ କ୍ରିମ୍ ପକାଇ ଭଲ ଭାବରେ ଗୋଳାଇ ଦିଅନ୍ତୁ । ପୁଣି ସେଥିରେ ଗୁଜରାତି ଗୁଣ୍ଡ ଏବଂ କଟା ଡ୍ରାଏ ଫ୍ରୁଟ୍ସ ପକାଇ ଫ୍ରିଜରେ ରଖି ଦିଅନ୍ତୁ । ଅଧ ଘଣ୍ଟା ପରେ ଫ୍ରିଜରୁ କାଢି ଆଣି ଥଣ୍ଡା ଥଣ୍ଡା ଆମ୍ବ ଶ୍ରୀଖଣ୍ଡର ମଜା ନିଅନ୍ତୁ ।

Comments
Loading...