ଶ୍ୱଶୁର ଘର ଉପରେ ରାଗି ସୁଝାଇବାକୁ ସାଙ୍ଘାତିକ ଷଡ଼ଯନ୍ତ୍ର, ୫ ବର୍ଷର ଶିଶୁକୁ କାର ଚଢାଇ ମାରିଦେଲା ଜ୍ବାଇଁ

ପାଟଣା: ଶ୍ୱଶୁର ଘରକୁ ଏକ ଶୁଦ୍ଧିକ୍ରିୟାରେ ଯୋଗଦେବାକୁ ଆସିଥିବା ଅବସରରେ ଜ୍ବାଇଁ ଚର୍ଚ୍ଚାରେ ଉଣା ହୋଇଥିବାରୁ କିଛି ଦିନ ବ୍ୟବଧାନରେ ଶ୍ୱଶୁର ଘର ପରିବାରର ଜଣେ ୫ବର୍ଷର ଶିଶୁକୁ ଜଣେ କାର ଚାଳକ ଉଦ୍ଦେଶ୍ୟମୂଳକ ଭାବେ କାର୍ ଚଢାଇ ମାରି ଦେଇଥିବା ତୁରୁମୁଙ୍ଗା ଥାନାରେ ଅଭିଯୋଗ ହୋଇଛି । ମୃତ ଶିଶୁ ଜଣକ ବାଉଁଶୁଳୀ ଗ୍ରାମ ତଳସାହିର ଭାଗିରଥି ମହାନ୍ତଙ୍କ ୫ ବର୍ଷର ପୁଅ ପ୍ରେମାନନ୍ଦ ମହାନ୍ତ ବୋଲି ଜଣାପଡିଛି ।

କାର ଚାଳକ ଜଣକ ବାରିଆ ଥାନା ବଡ ନେଉଳି ଗ୍ରାମର ମକରଧ୍ବଜ ମହାନ୍ତ(୪୦) ବୋଲି ଜଣାପଡିଛି । ଗତ ଦୁଇ ସପ୍ତାହ ପୂର୍ବରୁ କାର ଚାଳକ ମକରଧ୍ବଜ ବାଉଁଶୁଳୀ ଗ୍ରାମର ଶ୍ୱଶୁର ଘରକୁ ଏକ ଶୁଦ୍ଧିକ୍ରିୟାରେ ଯୋଗ ଦେବାକୁ ଆସିଥିବା ବେଳେ ବେଭାର ଲୁଗାପଟାକୁ ନେଇ ଶ୍ୱଶୁର ଘର ସହ ଝଗଡା ହୋଇଥିଲା । ଗତ ୨୪ ତାରିଖ ମକରଧ୍ବଜ ମହାନ୍ତ କାର ଧରି ବାଉଁଶୁଳୀ ଗ୍ରାମର ଶ୍ୱଶୁର ଘରକୁ ଆସିବା ସମୟରେ ଶ୍ୱଶୁରଙ୍କ ପରିବାରର ଭାଗିରଥି ମହାନ୍ତଙ୍କ ୫ ବର୍ଷର ପୁଅଟି ଗ୍ରାମର ଉମାକାନ୍ତ ମହାନ୍ତଙ୍କ ଘର ସାମ୍ନାରେ ବାଲିଗଦା ଉପରେ ସକାଳ ସାଢେ ୧୦ ଟାରେ ଉପରେ ବସି ଖେଳୁଥିଲା। କାର ଚାଳକ ମକରଧ୍ବଜ ବାଲି ଗଦା ଉପରେ ଖେଳୁଥିବା ପ୍ରେମାନନ୍ଦ(୫)ଙ୍କୁ ଧକ୍କା ଦେଇ ୨୦ ଫୁଟ ଯାଏ ଘୋଷାରି ନେବାରୁ ଶିଶୁଟି ଗୁରୁତର ହୋଇପଡିଥିଲା । ଶିଶୁଟିକୁ ପ୍ରଥମେ କେନ୍ଦୁଝର ଓ ପରେ କଟକ ମେଡିକାଲ ନିଆଯାଇଥିବା ବେଳେ ଦୁର୍ଘଟଣାର ୨୪ ଘଣ୍ଟା ନପୁରଣ ଶୁକ୍ରବାର ସକାଳ ୬ ଟାରେ ଶିଶୁଟି ପ୍ରାଣ ହରାଇଛି । କାର ଚାଳକ ମକରଧ୍ବଜ ମହାନ୍ତ ଉଦ୍ଦେଶ୍ୟ ମୂଳକ ଭାବେ ତାଙ୍କ ପୁଅକୁ ଦୁର୍ଘଟଣା ଘଟାଇ ମାରି ଦେଇଥିବାରୁ ତାକୁ ହତ୍ୟା ଅଭିଯୋଗରେ ଗିରଫ କରିବା ପାଇଁ ମୃତ ଶିଶୁର ମାଆ ମଲ୍ଲିକା ମହାନ୍ତ ତୁରୁମୁଙ୍ଗା ଥାନାରେ ଅଭିଯୋଗ କରିଛନ୍ତି । ପୁଲିସ ଅଭିଯୋଗକୁ ଗମ୍ଭୀରତାର ସହ ନେଇ ତୁରନ୍ତ କାର୍ୟ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହୋଇଛି।

Comments
Loading...