ସିଂହ ଆଗକୁ ଡେଇଁଲେ ଯୁବକ, ତା’ପରେ କ’ଣ ହେଲା… ଦେଖନ୍ତୁ ଭିଡିଓ
ନୂଆଦିଲ୍ଲୀ: ଦିଲ୍ଲୀର ଚିଡ଼ିଆଖାନାରେ ଗୁରୁବାର ସମସ୍ତଙ୍କୁ ଆଶ୍ଚର୍ଯ୍ୟ କଲା ଭଳି ଏକ ଘଟଣା ଘଟିଛି। ଚିଡ଼ିଆଖାନା ବୁଲିବାକୁ ଆସିଥିବା ଜଣେ ଯୁବକ ସିଂହ ଏନକ୍ଲୋଜର ମଧ୍ୟକୁ ଡେଇଁ ପଡ଼ିଥିଲା। କିନ୍ତୁ ଆଶ୍ଚର୍ୟ୍ୟକର କଥା ଯେ, ସିଂହଟି ଯୁବକଙ୍କର କିଛି କ୍ଷତି କରିନଥିଲା। ଯୁବକଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି।
#WATCH Delhi: A man entered into enclosure of a lion at Delhi Zoo after climbing its metal grille. He was later brought out safely. DCP(Southeast)says “He’s Rehan Khan, a 28-yr-old man from Bihar. He seems to be mentally unstable.He was immediately brought out without any injury” pic.twitter.com/t5n6bfPx7p
— ANI (@ANI) October 17, 2019
ପ୍ରତ୍ୟେକ୍ଷ ଦର୍ଶୀଙ୍କ ସୂଚନା ଅନୁଯାୟୀ, ଯୁବକ ଜଣଙ୍କ କାହାକୁ କିଛି ନକହି ହଠାତ୍ ଏନକ୍ଲୋଜର ମଧ୍ୟକୁ ସିଂହ ଆଗକୁ ଡେଇଁ ପଡ଼ିଥିଲା। ସେଠାରେ ଥିବା ଅନ୍ୟ ଲୋକମାନେ ତାଙ୍କୁ ବାରଣ କରିଥିଲେ ମଧ୍ୟ ସେ ଶୁଣିନଥିଲା। ସିଧା ଯାଇ ସିଂହ ସାମ୍ନାରେ ବସିଯାଇଥିଲା। ସିଂହ ତାଙ୍କୁ ଦେଖି ପାଖକୁ ଆସିଥିଲା ସତ ହେଲେ କିଛି କ୍ଷତି କରିନଥିଲା। ବରଂ ତାଙ୍କୁ ଶୁଙ୍ଘି ଦେଇ ଚାଲିଯାଇଥିଲା। ଯୁବକ ଜଣଙ୍କ କିଛି ସମୟ ସିଂହ ସହ ରହିଲା ପରେ ସ୍ଥାନୀୟ ଲୋକଙ୍କ ଚିତ୍କାର ଶୁଣି ଚିଡ଼ିଆଖାନାର କର୍ତ୍ତୃପକ୍ଷ ପହଞ୍ଚି ତାଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲେ। ପରେ ତାଙ୍କର ସ୍ବାସ୍ଥ୍ୟବସ୍ଥା ଯାଞ୍ଚ କରାଯାଇଥିଲା।
ଚିଡ଼ିଆଖାନା କର୍ତ୍ତୃପକ୍ଷଙ୍କ ଠାରୁ ସୂଚନା ପାଇ ପୁଲିସ ସେଠାରେ ପହଞ୍ଚି ଉକ୍ତ ଯୁବକଙ୍କୁ ଥାନାକୁ ଆଣି ପଚରାଉଚରା କରିଥିଲା। ଯୁବକଙ୍କ ଘର ବିହାରରେ ଏବଂ ତାଙ୍କ ନାମ ରେହାନ ଖାନ୍ । ସେ ମାନସିକ ବିକାରଗ୍ରସ୍ତ ବୋଲି ଜଣାପଡିଛି।
Comments are closed.