ପୋଖରୀରେ ବୁଡ଼ି ଜଣେ ମୃତ

କାଶୀପୁର: ରାୟଗଡା ଜିଲା କାଶୀପୁର ବ୍ଲକ ଟିକିରିଥାନା ଅନ୍ତର୍ଗତ ଫୁଲଜବା ଗ୍ରାମ ନିକଟସ୍ଥ ସିଙ୍ଗାରାମ ରେଳ ଷ୍ଟେସନ ପାଖରେ ଥିବା ଏକ ପୋଖରୀରେ ଗାଧୋଇବା ସମୟରେ ପାଣିରେ ବୁଡ଼ି ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତ ବ୍ୟକ୍ତି ଜଣକ ନକଟିଗୁଡା ପଞ୍ଚାୟତ ଅନ୍ତର୍ଗତ ଅଣାଯୋର ଗ୍ରାମର ଶ୍ୟାମ ମାଝି, ବୟସ ପ୍ରାୟ ୪୫ ବୋଲି ଜଣାପଡ଼ିଛି। 

ମିଳିଥିବା ଖବର ଅନୁଯାୟୀ, ଶ୍ୟାମ ମାଝୀ ପୋଖରୀକୁ ଗାଧୋଇବାକୁ ଯାଇଥିବା ସମୟରେ ବୁଡ଼ି ଯାଇଥିଲେ। ଏନେଇ ପରିବାର ଲୋକେ ଟିକିରି ପୁଲିସକୁ ଖବର ଦେବାପରେ ଘଟଣା ସ୍ଥଳକୁ ଟିକିରି ପୁଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିବା ସହ କାଶୀପୁର ଅଗ୍ନୀଶମ ବାହିନୀକୁ ସୂଚନା ଦେବାପରେ ଅଗ୍ନୀଶମ କର୍ମଚାରୀ ଘଟଣା ସ୍ଥଳରେ ପହଞ୍ଚି ପୋଖରୀରୁ ଶ୍ୟାମ ମାଝୀଙ୍କ ମୃତଦେହକୁ ଉଦ୍ଧାର କରିଥିବା ସୂଚନା ମିଳିଛି।

Comments
Loading...