କଲକାତା: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପ୍ରଚାର ଉପରେ ନିର୍ବାଚନ ଆୟୋଗ ୨୪ ଘଣ୍ଟା ପର୍ଯ୍ୟନ୍ତ କଟକଣା ଲାଗୁ କରିଛନ୍ତି। ଏହି ନିଷ୍ପତ୍ତି ବିରୋଧରେ ମମତା ମଙ୍ଗଳବାର ଧାରଣାରେ ବସିଛନ୍ତି। କଲକାତାରେ ଗାନ୍ଧୀ ମୂର୍ତ୍ତି ନିକଟରେ ମମତା ଧାରଣା ଦେଇଛନ୍ତି। ହିନ୍ଦୁ-ମୁସଲମାନଙ୍କୁ ନେଇ ମମତାଙ୍କ ମନ୍ତବ୍ୟ ପରେ ନିର୍ବାଚନ ଆୟୋଗ ତାଙ୍କ ପ୍ରଚାର ଉପରେ କଟକଣା ଲାଗୁ କରିଥିଲେ।
ଗତ ୮ ତାରିଖରେ ହୁଗୁଳିରେ ମମତା ନିର୍ବାଚନୀ ପ୍ରଚାର ପାଇଁ ଦଳ ପକ୍ଷରୁ ଆୟୋଜିତ ଏକ ଜନସଭାରେ ଯୋଗଦେଇ ମୁସଲମି ଭୋଟଗୁଡ଼ିକୁ ବିଭାଜନ ନ କରିବାକୁ ମନ୍ତବ୍ୟ ଦେଇଥିଲେ। ଏହି ମନ୍ତବ୍ୟ ଉପରେ ନିର୍ବାଚନ ଆୟୋଗ ତାଙ୍କ ଉପରେ କଟକଣା ଲାଗୁ କରିଥିଲେ। ଏପ୍ରିଲ ୧୨ ରାତି ୮ଟାରୁ ଏପ୍ରିଲ ୧୩ ରାତି ୮ଟା ପର୍ଯ୍ୟନ୍ତ ମମତା କୌଣସି ପ୍ରକାର ନିର୍ବାଚନୀ ପ୍ରଚାରରେ ଯୋଗଦେଇପାରିବେ ନାହିଁ ବୋଲି ନିର୍ବାଚନ ଆୟୋଗ ନିର୍ଦେଶ ଦେଇଥିଲେ। ଏହା ପ୍ରତିବାଦରେ ମମତା ଧାରଣା ଦେଇଛନ୍ତି।
Comments are closed.