ପଶ୍ଚିମ ବଙ୍ଗରେ ପାର୍ଟିର ଖରାପ ପ୍ରଦର୍ଶନ ପରେ କବିତା ଲେଖି ନିଜ ମନର ଭାବ ପ୍ରକାଶ କଲେ ମମତା ବାନାର୍ଜୀ

କୋଲକତା .- ପଶ୍ଚିମବଙ୍ଗରେ ତୃଣ ମୂଳ କଂଗ୍ରେସ ଗତ ସାଧାରଣ ନିର୍ବାଚନ ଅପେକ୍ଷା ଖରାପ ପ୍ରଦର୍ଶନ କରିଛି । ଚଳିତ ସାଧାରଣ ନିର୍ବାଚନରେ ତୃଣମୂଳ କଂଗ୍ରେସ ୨୨ଟି ଆସନ ଲାଭ କରିଥିବା ବେଳେ ବିଜେପି ୧୮ଟି ଆସନ ଲାଭ କରିଛି । ଏହାର ଗୋଟିଏ ଦିନ ପରେ ପଶ୍ଚମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ କବିତା ଲେଖି ନିଜ ମନର ଭାବ ପ୍ରକାଶ କରିଛନ୍ତି ।

ଏହି କବିତାକୁ ମମତାଙ୍କ ଟ୍ୱିଟର ହ୍ୟାଣ୍ଡଲର ତାଙ୍କ ଟ୍ୱିଟର ପୃଷ୍ଟାରେ ପ୍ରକାଶ କରିଛନ୍ତି । ଆଇ ଡୋଣ୍ଟ ଆଗ୍ରୀ ଶୀର୍ଷକରେ, ଧର୍ମର ରଙ୍ଗ ନାମରେ ସେ ଏକ କବିତା ରଚନା କରିଛନ୍ତି । ସେ ଧାର୍ମିକ ରଙ୍ଗରେ ବିଶ୍ୱାସ କରନ୍ତି ନାହିଁ , ପଶ୍ଚିମବଙ୍ଗ ଲୋକଙ୍କର ସେବା କରିବା ପାଇଁ ଚାହାନ୍ତି ବୋଲି ଏଥିରେ ଉଲ୍ଲେଖ କରିଛନ୍ତି।
ସଧାରଣ ନିର୍ବାଚନ ସମୟରେ ପଶ୍ଚିମବଙ୍ଗରେ ବ୍ୟାପକ ହିଂସା ହୋଇଥିଲା। ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହଙ୍କ ରାଲିବେଳେ ବିଜେପି ଓ ଟିଏମ୍‌ସି କର୍ମୀଙ୍କ ମଧ୍ୟରେ ସଂଘର୍ଷ ହୋଇଥିଲା । ମାତ୍ର ଏହା ସତ୍ତ୍ୱେ ବିଜେପି ବେଶ୍‌ ଭଲ ପ୍ରଦର୍ଶନ କରିଛି । ଶନିବାରରେ ମମତା ବାନାର୍ଜୀ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପାଇଁ ପ୍ରସ୍ତାବ ଦେଇଛନ୍ତି ।

Comments are closed.