‘କରୋନା ଏକ୍ସପ୍ରେସ’ : ପ୍ରବାସୀ ଶ୍ରମିକଙ୍କ ଆଡ଼କୁ ଦୋଷ ଠେଲିଦେଲେ ଦିଦି

କୋଲକାତା : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବୁଧବାର କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ଅଭିଯୋଗକୁ ଖଣ୍ଡନ କରିଛନ୍ତି। ଶ୍ରମିକ ସ୍ପେଶାଲ ଟ୍ରେନକୁ ‘କରୋନା ଏକ୍ସପ୍ରେସ’ର ନାଁ ସେ ଦେଇନାହାନ୍ତି ବୋଲି ସ୍ପଷ୍ଟ ଭାବେ କହିଛନ୍ତି। ଏଭଳି ନାମକରଣ ପ୍ରବାସୀ ଶ୍ରମିକମାନେ କରିଥିବା ମମତା କହିଛନ୍ତି।

ସୂଚନା ଯୋଗ୍ୟ, ଗତକାଲି ବିଜେପି ପକ୍ଷରୁ କରାଯାଉଥିବା ଡିଜିଟାଲ୍ ରାଲିରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ପଶ୍ଚିମବଙ୍ଗକୁ ସମ୍ବୋଧିତ କରି କହିଥିଲେ ଯେ,  ମମତା ବାନାର୍ଜୀ ଶ୍ରମିକ ସ୍ପେଶାଲ ଟ୍ରେନର ନାମ ‘କରୋନା ଏକ୍ସପ୍ରେସ’ ଦେଇଛନ୍ତି। ଏଭଳି କରି ସେ ଶ୍ରମିକ ସ୍ପେଶାଲ ଟ୍ରେନ୍ ମାଧ୍ୟମରେ ରାଜ୍ୟକୁ ଫେରୁଥିବା ପ୍ରବାସୀ ଶ୍ରମିକଙ୍କୁ ଅପମାନିତ କରିଛନ୍ତି ବୋଲି ଶାହା କହିଥିଲେ।
ତେଣୁ ପଶ୍ଚିମବଙ୍ଗର ପ୍ରବାସୀ ଶ୍ରମିକମାନେ ୨୦୨୧ରେ ହେବାକୁଥିବା ବିଧାନସଭା ନିର୍ବାଚନରେ ​​ମମତା ବାନାର୍ଜୀଙ୍କ ରାଜନୈତିକ ଦଳ(ଟିଏମସି)କୁ ପରାସ୍ତ କରିବେ ବୋଲି ଶାହା କହିଥିଲେ।

Comments
Loading...