ମଲ୍ଲିପଶିର ମହକ ଜସ୍ମିନ….

ପାଟଣା : ପାଟଣା ବ୍ଲକ ଅନ୍ତର୍ଗତ ମୂଷାଖୋରି ପଞ୍ଚାୟତ ମଲ୍ଲିପଶି ଗ୍ରାମର ଅବସରପ୍ରାପ୍ତ ସେନା କର୍ମଚାରୀ ଜଗଦୀଶ ରଣାଙ୍କ ଏକ ମାତ୍ର କନ୍ୟା ତଥା ଜଣେ ମେଧାବୀ ଛାତ୍ରୀ ଜସ୍ମିନ ରଣାଙ୍କ କଣ୍ଠର ଯାଦୁ ଏବେ ସୁଦୁର ପ୍ରସାରୀ ହେବାକୁ ଯାଉଛି । ଜସ୍ମିନଙ୍କ ନାମ ଯେପରି ତାଙ୍କ କଣ୍ଠ ମଧ୍ୟ ସେହିପରି ହୋଇଥିବାରୁ ଏବେ ମଲ୍ଲିପଶିର ମହକ ଟିଭି ଜରିଆରେ ଘରେ ଘରେ ପହଞ୍ଚିବ ବୋଲି ଗ୍ରାମବାସୀ ମତ ବ୍ୟକ୍ତ କରିଛନ୍ତି । ଦଶମ ପାସ ପରେ ଜସ୍ମିନ ଏବେ ଘଟଗାଁ ବ୍ଲକ ଢେଙ୍କିକୋଟ ଓଡିଶା ଆଦର୍ଶ ବିଦ୍ୟାଳୟରେ +୨ ବିଜ୍ଞାନ ଏକାଦଶ ଶ୍ରେଣୀରେ ନାମ ଲେଖାଇଛନ୍ତି । ଜସ୍ମିନଙ୍କ ସୁଲଳିତ କଣ୍ଠକୁ ଓଡ଼ିଶାର ଜଣାଶୁଣା ସଙ୍ଗୀତକାର ତଥା ସଙ୍ଗୀତ ନିର୍ଦ୍ଦେଶକ ଅଭିଜିତ ମଜୁମଦାର ସ୍ବୀକୃତି ଜଣାଇବା ସହ ଆଜି ଜସ୍ମିନଙ୍କର କଣ୍ଠରେ ଏକ ଗୀତ “ମିଲେ ହୋ ତୁମ ହମକୋ” ଗୀତକୁ ତରଙ୍ଗ ଷ୍ଟଡିଓ ରେ ରେକର୍ଡିଂ କରିଛନ୍ତି । ଯାହାକୁ ନେଇ ମଲ୍ଲିପଶିରେ ଖୁସିର ଲହରି ଖେଳିଯାଇଛି । ବଣମଲ୍ଲି ବଣରେ ଫୁଟି ଝଡିଯାଏ ବୋଲି ଯେଉଁ ପ୍ରବାଦ ଥିଲା ତାହା ଜସ୍ମିନ୍ ଙ୍କ କ୍ଷେତ୍ରରେ ଅର୍ଥହୀନ ହୋଇପଡିଛି ।

Comments
Loading...