ମାଲେସିଆରେ ରାଜନୈତିକ ଅସ୍ଥିରତା, ଇସ୍ତଫା ଦେଲେ ପ୍ରଧାନମନ୍ତ୍ରୀ ମହାଥିର

କୁଆଲାଲମ୍ପୁର: ମାଲେସିଆରେ ରାଜନୈତିକ ଅସ୍ଥିରତା ସୃଷ୍ଟି ହୋଇଛି। ବର୍ତ୍ତମାନର ସରକାର ବିରୋଧରେ ଦୁଇଟି ଦଳ ମେଣ୍ଟ କରି କ୍ଷମତା ହାତେଇବା ଲାଗି ଆଲୋଚନା ଚଳାଇଥିବାବେଳେ ପ୍ରଧାନମନ୍ତ୍ରୀ ମହାଥିର ମହମ୍ମଦ ସୋମବାର ଇସ୍ତଫା ଦେଇଛନ୍ତି। ଏ ନେଇ ସରକାରୀ ଭାବେ ଘୋଷଣା କରାଯାଇ ନ ଥିଲେ ହେଁ ପ୍ରଧାନମନ୍ତ୍ରୀଙ୍କ ନିକଟତମ ମହଲରୁ ଏହି ସୂଚନା ମିଳିଥିବା ରଏଟର୍ସ ପକ୍ଷରୁ ରିପୋର୍ଟ ପ୍ରକାଶ ପାଇଛି। ପ୍ରଧାନମନ୍ତ୍ରୀ ମହାଥିର ତାଙ୍କ ଇସ୍ତଫାପତ୍ରକୁ ରାଜାଙ୍କ ନିକଟକୁ ପଠାଇଥିବା ଜଣାପଡ଼ିଛି। ୯୪ ବର୍ଷୀୟ ମହାଥିର ୨୦୧୮ ମେ ମାସରେ ୨ୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଦାୟିତ୍ଵ ଗ୍ରହଣ କରିଥିଲେ।

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ଜଣେ ମୁଖପାତ୍ର ଇସ୍ତଫା ସମ୍ପର୍କରେ କୌଣସି ସୂଚନା ଦେବାକୁ ମନା କରିଦେଇଥିବାବେଳେ ଖୁବଶୀଘ୍ର ବିବୃତି ଜାରି କରାଯିବ ବୋଲି କହିଛନ୍ତି।

Comments are closed.