କରୋନାରେ ପ୍ରାଣ ହରାଇଥିବା ଯୋଦ୍ଧାଙ୍କ ପରିବାରଙ୍କୁ ମିଳିଲା ୫୦ ଲକ୍ଷ ଟଙ୍କାର ସହାୟତା

ମାଲକାନଗିରି: ଚଳିତ ବର୍ଷ କୋଭିଡ ରୋଗୀଙ୍କ ଚିକିତ୍ସାରେ ମାଲକାନଗିରି ଜିଲ୍ଲାର ମାଥିଲି ବ୍ଲକର ବିଳାପଦରରେ କାର୍ଯ୍ୟରତ ଥିବା ଫାର୍ମାଶିଷ୍ଟ ଶ୍ରୀ ୱାଇ.ରାଜ କୁମାର କୋଭିଡ ରୋଗୀଙ୍କ ଚିକିତ୍ସାରେ ନିୟୋଜିତ ଥିଲେ। କୋଭିଡ ରୋଗୀଙ୍କ ଚିକିତ୍ସା କରୁଥିବା ସମୟରେ ଗତ ୨୯.୦୮.୨୦୨୦ ରେ ସେ ନିଜେ କୋଭିଡ ରୋଗରେ ଆକ୍ରାନ୍ତ ହୋଇଥିଲେ ଏବଂ ଚିକିତ୍ସାବସ୍ଥାରେ ଗତ ୨୦.୦୯ ୨୦୨ରେ ମୃତ୍ୟୁବରଣ କରିଥିଲେ। ଏହାପରେ ରାଜ୍ୟ ସରକାରଙ୍କ ପକ୍ଷରୁ ତାଙ୍କୁ ରାଷ୍ଟ୍ରୀୟ ମର୍ଯ୍ୟାଦା ପ୍ରଦାନ କରଯାଇଥିଲା। ରାଜ୍ୟ ସରକାରଙ୍କ ଘୋଷଣା ମୁତାବକ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ତାଙ୍କ ପରିବାରକୁ ୫୦ ଲକ୍ଷ ଟଙ୍କାର ସହାୟତା ବୀମାରାଶି  ମାଲକାନଗିରି ଜିଲ୍ଲାପାଳ ଡକ୍ଟର ୟେଦୁଲ୍ଲା ଭିଜୟ ଆଜି ପ୍ରଦାନ କରିଛନ୍ତି। ରାଜକୁମାରଙ୍କ ପରିବାରରେ ତାଙ୍କ ପତ୍ନୀଙ୍କ ସହ ଦୁଇ ଝିଅ ଅଛନ୍ତି।

ଏହି ବୀମା ରାଶି ମୃତ ଶ୍ରୀ ୱାଇ.ରାଜ କୁମାରଙ୍କ ପତ୍ନୀ ୱାଇ ପ୍ରେମଲତା ଗ୍ରହଣ କରିଥିଲେ। ଅଦ୍ୟାବଧ ଜିଲ୍ଲାରେ ତିନିଜଣ କୋଭିଡ ଯୋଦ୍ଧା ମୃତ୍ୟୁ ବରଣ କରିଛନ୍ତି। ତନ୍ମଧ୍ୟରୁ ଶ୍ରୀ ରଞ୍ଜନ ହନ୍ତାଳ, ହୋମଗାର୍ଡଙ୍କୁ ୫୦ ଲକ୍ଷ ଟଙ୍କାର ସହାୟତା ବୀମା ରାଶି ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ପ୍ରଦାନ କରାଯାଇଛି। ଶ୍ରୀ ମନୋଜ ପାଣ୍ଡେ , ମ୍ୟାଲେରିଆ ସ୍ବାସ୍ଥ୍ୟକର୍ମୀଙ୍କର ଅନୁଦାନ ରାଶି ପ୍ରଦାନ ନିମନ୍ତେ ସରକାରଙ୍କୁ ପ୍ରସ୍ତାବ ପଠାଯାଇଛି ।

Comments are closed.