ନେମାଳ: ଓଡିଶାର ଉନ୍ନତି ଓ ପ୍ରଗତି ଜରିଆରେ ଏକ ବିକଶିତ ରାଜ୍ୟରେ ପରିଣତ କରିବା ପାଇଁ ବିଜେଡି ସରକାର ସଦାସର୍ବଦା ଚେଷ୍ଟିତ। ସମସ୍ତଙ୍କ ଉନ୍ନତି ନିମନ୍ତେ ରାଜ୍ୟସରକାର ବ୍ୟାପକ ଜନକଲ୍ୟାଣ ମୂଳକ ଯୋଜନା କାର୍ଯ୍ୟକାରୀ କରିଛନ୍ତି। ଗାଁକୁ ସହରଭଳି ଗଢି ତୋଳିବା ଓ ପ୍ରତ୍ୟେକଙ୍କୁ କାମ ଯୋଗାଇ ଦେବା ରାଜ୍ୟ ସରକାରଙ୍କ ଲକ୍ଷ୍ୟ, ଗ୍ରାମାଞ୍ଚଳରେ ଥିବା ନାନାବିଧ ସମସ୍ୟା ସମାଧାନ କ୍ଷେତ୍ରରେ ପ୍ରତ୍ୟେକ ଜନସାଧାରଣଙ୍କର ଗୁରୁ ଦାୟିତ୍ୱ ରହିଛି ବୋଲି ମାହାଙ୍ଗା ନିର୍ବାଚନ ମଣ୍ଡଳୀର ବିଜେଡି ଦଳର ପ୍ରାର୍ଥୀ ତଥା ମନ୍ତ୍ରୀ ପ୍ରତାପ ଜେନା ହକ୍ ମାଗୁଛି ଓଡିଶା କାର୍ଯ୍ୟକ୍ରମରେ ଯୋଗଦେଇ ମତ ପ୍ରକାଶ କରିଛନ୍ତି। ଦ୍ୱିପାଞ୍ଚଳର ଦାଉଦପୁର, ଝାଡେଶ୍ୱରପୁର, ନଗସପୁର ଆଦି ବିଭିନ୍ନ ପଞ୍ଚାୟତରେ କର୍ମୀ ବୈଠକ କରିବା ହକ୍ ମାଗୁଛି ଓଡିଶା କାର୍ଯ୍ୟକ୍ରମରେ ଯୋଗଦେଇ ଦୀର୍ଘ ୧୯ ବର୍ଷର ଶାସନ କାଳ ମଧ୍ୟରେ ଗାଁ ଗାଁକୁ କାମ, ପ୍ରତ୍ୟେକ ମହିଳା ସ୍ୱୟଂ ସହାୟିକା ଗୋଷ୍ଠୀକୁ ସ୍ୱାବଲମ୍ବୀ କରାଇବା , ପ୍ରତ୍ୟେକଙ୍କୁ ପକ୍କାଘର ପ୍ରଦାନ କରିବା, ନିର୍ମାଣ ଶ୍ରମିକଙ୍କୁ ସେମାନଙ୍କର ଦାବି ମୁତାବକ ସମସ୍ତ ଯୋଜନା ପୂରଣ କରିବା, ସର୍ବୋପରି ନିଶ୍ଚିନ୍ତକୋଇଲି, ମାହାଙ୍ଗା ନିର୍ବାଚନ ମଣ୍ଡଳୀକୁ ରାଜ୍ୟରେ ୧ ନଂ ନିର୍ବାଚନ ମଣ୍ଡଳୀ ଭାବେ ଗଢି ତୋଳିବା ଲକ୍ଷ୍ୟ ପୂରଣ କରିବା ନିତାନ୍ତ ଆବଶ୍ୟକ ବୋଲି ଶ୍ରୀ ଜେନା ମତ ଦେଇଛନ୍ତି। ବିଗତ ଦିନରେ ମାହାଙ୍ଗା ନିର୍ବାଚନ ମଣ୍ଡଳୀର ପ୍ରାୟ ୨ ଲକ୍ଷ ଭୋଟର ରାଜ୍ୟସରକାରଙ୍କ ସଙ୍ଗରେ ରହି ମାହାଙ୍ଗାକୁ ଯେଭଳି ଭାବରେ ପୂର୍ଣ୍ଣମାନ୍ୟତା ଦେବାରେ ସହଯୋଗ କରିଥିଲେ ସେହି ଅକୁଣ୍ଠସହଯୋଗ ଆଗାମୀ ଦିନରେ ବଳବତ୍ତର ରହିବା ଆବଶ୍ୟକତା ହୋଇପଡିଛି।
ବିଗତ ଶାସନ କାଳ ସମୟରେ ରାଜ୍ୟ ସରକାର ଗାଁର ଉନ୍ନତି କରିଥିବା ସହ କେନ୍ଦ୍ର ସରକାର ଲୋକମାନଙ୍କୁ ବିଭିନ୍ନ ସମୟରେ ନାନା ପ୍ରକାର ହଇରାଣ ହରକତ କରୁଥିବା ଶ୍ରୀ ଜେନା ଅଭିଯୋଗ କରିଛନ୍ତି। ଶ୍ରୀ ଜେନା କହିଛନ୍ତି ଯେ ମାହାଙ୍ଗାକୁ ରାଜ୍ୟରେ ୧ ନଂ ନିର୍ବାଚନ ମଣ୍ଡଳୀ ଭାବେ ଗଢିତୋଳିବାକୁ ହେଲେ ଚଳିତ ନିର୍ବାଚନ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ବୋଲି ଆଶା ରଖିଛନ୍ତି।
Comments are closed.