ମନ୍ତ୍ରୀ ପ୍ରତାପ ଜେନାଙ୍କ ମାହାଙ୍ଗାରେ ମାରାଥନ ପ୍ରଚାର

କୁଆଁପାଳ: କୋଭିଡ କଟକଣା କୋହଳ ସହ ତ୍ରିସ୍ତରୀୟ ପଂଚାୟତ ନିର୍ବାଚନରେ ସଭାସମିତିକୁ ଅନୁମତି ମଳିବା ପରେ ମାହାଙ୍ଗା ବିଧାୟକ ତଥା ପଂଚାୟତରାଜ ମନ୍ତ୍ରୀ ପ୍ରତାପ ଜେନା ମାହାଙ୍ଗାର ବିଭିନ୍ନ ପଂଚାୟତ ମାରାଥନ ଗସ୍ତକରି ନିର୍ବାଚନ ପ୍ରଚାର ଆରମ୍ଭ କରିଛନ୍ତି। ଏଥର ମାହାଙ୍ଗାରେ ୪ ଜିଲ୍ଲା ପରିଷଦ ଆସନ ବିଜେଡି ଦଳ ଅକ୍ତିଆର କରିବ ବୋଲି ମନ୍ତ୍ରୀ ପ୍ରତାପ ଜେନା ଦୃଢୋକ୍ତି ସହ ଦାବି କରିବା ଦଳୀୟ ପ୍ରାର୍ଥୀଙ୍କ ମନୋବଳକୁ ଦ୍ୱିଗୁଣିତ କରିଛି।

ଗତ ୨୨ ବର୍ଷ ଧରି ରାକ୍ୟରେ ବିଜେଡି ଦଳର ସୁଶାସନ ଓ ବିକାଶମୂଳକ କାର୍ଯ୍ୟ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜନସାଧାରଣଙ୍କ ପ୍ରିୟ ହେବା ସହ ଭାରତ ବର୍ଷରେ ନଂ ୧ ମୁଖ୍ୟମନ୍ତ୍ରୀ ଭାବେ ବିବେଚିତ ହୋଇଛନ୍ତି। ବିଜେଡି ଦଳ ସରକାର ଗଠନ କରିବା ଦିନଠାରୁ ନବୀନ ବାବୁଙ୍କ ସହଯୋଗରେ ମାହାଙ୍ଗା ନିର୍ବାଚନ ମଣ୍ଡଳୀରେ ଆଶାତୀତ ବିକାଶ ମୂଳକ କାର୍ଯ୍ୟ କରିବା ସହ ଜନସାଧାରଣଙ୍କୁ ସମସ୍ତ ସରକାରୀ ସାହାଯ୍ୟ ସହଯୋଗ ଯୋଗାଇ ଦେଇଆସିଛି। ଯେଉଁଠି ପାଇଁ ୨୦୦୯ ମସିହାରୁ ତ୍ରିସ୍ତରୀୟ ପଂଚାୟତ ନିର୍ବାଚନରେ ମାହାଙ୍ଗାରେ ବିଜେଡି ଦଳର ଜିଲ୍ଲାପରିଷଦ ପାର୍ଥିମାନେ ଲଗାତାର ଭାବରେ ବିଜୟୀ ହୋଇ ଆସୁଛନ୍ତି।

୧୨ ବର୍ଷ ମଧ୍ୟରେ ମାହାଙ୍ଗା ବ୍ଲକରେ ୨୫ ହଜାରରୁ ଉର୍ଦ୍ଧ୍ଵ ଲୋକଙ୍କୁ ଭତ୍ତା ପ୍ରଦାନ କ୍ଷେତ୍ରରେ ମାହାଙ୍ଗା ବ୍ଲକ କଟକ ଜିଲ୍ଲାରେ ରେକର୍ଡ କରିଛି। ଗାଁ ଗହଳି ସାହି ରାସ୍ତାକୁ ମୁଖ୍ୟମନ୍ତ୍ରୀ ସଡ଼କ ଯୋଜନାରେ ସାମିଲ କରି ଗମନାଗମନ ସୁବିଧା କରିବା ସହ ସ୍ୱାସ୍ଥ୍ୟ ପାନୀୟ ଜଳ ଯୋଗାଣ, ଶିକ୍ଷା କ୍ଷେତ୍ରରେ ବୈପ୍ଳବିକ ପରିବର୍ତନ ହୋଇଛି, ଘରେ ଘରେ ବିଶୁଦ୍ଧ ପାନୀୟ ଜଳ ଯୋଗାଇ ଦେବାପାଇ ନବୀନ ସରକାର ୨୮୦ କୋଟିରୁ ଉର୍ଦ୍ଧ୍ଵ ଟଙ୍କା ଯୋଗାଇ ଦେବା ସହ ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଂଚିଛି। ସ୍କୁଲ ଠାରୁ ଆରମ୍ଭ କରି ସମସ୍ତ ସରକାରୀ କାର୍ଯ୍ୟାଳୟର ଭିତ୍ତିଭୂମି ସୁଧାର ପାଇଁ ଶହଶହ କୋଟି ଟଙ୍କା ମଞ୍ଜୁର ହୋଇ କାର୍ଯ୍ୟ କରାଯାଇଛି, ନାରୀଙ୍କୁ ସମ୍ମାନ ଦେବା ଓ ସ୍ୱାବଲମ୍ବୀ କରିବା ପାଇଁ ହଜାର ହଜାର କୋଟି ଟଙ୍କା ବିନା ସୁଧରେ ସ୍ୱୟଂ ସହାୟକ ଗୋଷ୍ଟିଙ୍କୁ ଋଣ ପ୍ରଦାନ କରାଯାଇଛି। ସାଧାରଣ ଲୋକଙ୍କୁ ସରକାରଙ୍କ ଦ୍ୱାରା ମୌଳିକ ସୁବିଧା ଯୋଗାଇ ଦେବାରେ ବିଜେଡି ସରକାର ସଫଳତାର ଶୀର୍ଷରେ ପହଂଚିଛି, ଯେଉଁଥି ପାଇଁ ମାହାଙ୍ଗାବାସୀ ଦୀର୍ଘ ୧୨ ବର୍ଷ ଧରି ତାଙ୍କ ଉପରେ ଆସ୍ଥା ପ୍ରକଟ କରିବା ସହ ଦଳୀୟ ପାର୍ଥିଙ୍କୁ ବିପୁଳ ମାତ୍ରାରେ ସମର୍ଥନ ଦେଇଛନ୍ତି ବୋଲି ମାହାଙ୍ଗା ବିଧାୟକ ତଥା ପଂଚାୟତରାଜ୍ ମନ୍ତ୍ରୀ ଦୃଢୋକ୍ତିର ସହ କହିବା ସହ ଏଥର ମଧ୍ୟ ମାହାଙ୍ଗା ବ୍ଲକର ଚାରିଟି ଯାକ ଜିଲ୍ଲାପରିଷଦ ଆସନ ବିଜେଡି ଦଖଲ କରିବ ବୋଲି କହିବା ସହ ପଂଚାୟତ ସମିତି ଗଠନ କରିବ ବୋଲି ଦାବି କରିଛନ୍ତି। ବିରୋଧୀ ମାନେ କେବଳ ବିଜେଡି ଦଳକୁ ବଦନାମ କରିବା ପାଇଁ କୌଣସି ବାଟ ନପାଇଁ ବିଭିନ୍ନ ସ୍ତରରେ ଲୋକଙ୍କୁ ଭୁଆଁ ବୁଲାଇବା ପାଇଁ ବିଭିନ୍ନ ହୀନ ଉଦ୍ୟମ କରୁଥିବା ବେଳେ ଆସନ୍ତା ୧୬ ତାରିଖରେ ସାଧାରଣ ଭୋଟରମାନେ ଏହାର ଦୃଢ଼ ଜବାବ ଦେବେ ବୋଲି ସେ ଆସ୍ଥା ପ୍ରକଟ କରିଛନ୍ତି। ଏହି ଅବସରରେ ମନ୍ତ୍ରୀ ଶ୍ରୀ ଜେନା ମହାଙ୍ଗାର ୩୯ ଓ ୪୦ ନଂ ଜିଲ୍ଲା ପରିଷଦ ଜୋନରେ ଦଳୀୟ ପାର୍ଥି ଓ ସମର୍ଥକଙ୍କ ସହ ପ୍ରଚାର କରୁଥିବା ଦେଖିବାକୁ ମିଳିଛି।

Comments are closed.