ସୁଆଣ୍ଡୋ : ପୁରୀ ଜିଲା ସତ୍ୟବାଦୀରେ ସତ୍ୟବାଦୀ ଆଇନଜୀବୀ ସଂଘ ତରଫରୁ ରବିବାର ଉତ୍କଳଗୌରବ ମଧୁସୂଦନ ଜୟନ୍ତୀ ଓ ଆଇନଜୀବୀ ଦିବସ ଅଶ୍ୱିନୀ ହସପିଟାଲ ସଭାଗୃହରେ ଅନୁଷ୍ଠିତ ହୋଇଯାଇଛି । ରାଜ୍ୟ ଆଇନିଜୀବୀ ପରିଷଦ ସଭ୍ୟ ବିବୁଧେନ୍ଦ୍ର ମିଶ୍ର ମୁଖ୍ୟଅତିଥି ମଧୁବାବୁଙ୍କ ଫଟୋ ଚିତ୍ରରେ ଅତିଥିମାନଙ୍କ ଦ୍ବାରା ମାଲ୍ୟାର୍ପଣ ଓ ପ୍ରଦୀପ ପ୍ରଜ୍ୱଳନ କରିଥିଲେ। ଏହି ପରିପ୍ରେକ୍ଷୀରେ ଆୟୋଜିତ ସ୍ମୃତିଚାରଣ ସଭାରେ ଅତିଥିମାନେ କୁଳବୃଦ୍ଧ ମଧୁସୂଦନଙ୍କ ଜୀବନବ୍ୟାପୀ ସାଲିସ ବିହୀନ ସଂଗ୍ରାମ ସଂପର୍କରେ ମତବ୍ୟକ୍ତ କରିଥିଲେ। ସଭା ଆରମ୍ଭରୁ ବନ୍ଦେ ଉତ୍କଳ ଜନନୀ ଗାନ କରାଯାଇଥିଲା । ଏହାବ୍ୟତୀତ ଶ୍ୟାମସୁନ୍ଦର ହୋତା ମୁଖ୍ୟବକ୍ତା ଓ ସାମ୍ବାଦିକ ଧୀରେନ୍ଦ୍ର ନାଥ ଦାସ ଆଇନଜୀବୀ ପୁଷ୍କର ମହାପାତ୍ର ବିଜୟ କୁମାର ମିଶ୍ର ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ଆଇନଜୀବୀ ସଂଘ ସଭାପତି ପ୍ରଶାନ୍ତ କୁମାର ନନ୍ଦ ସଭାରେ ଅଧ୍ୟକ୍ଷତା କରିଥିଲେ । ତିନିଜଣ ବରିଷ୍ଠ ଆଇନଜୀବୀଙ୍କୁ ଅନୁଷ୍ଠାନ ତରଫରୁ ଅତିଥିମାନେ ସମ୍ବର୍ଦ୍ଧିତ କରିଥିଲେ ।
Comments are closed.