ଦୀପାବଳିରେ ମୁକ୍ତିଲାଭ କରିବ ‘ମେଡ୍ ଇନ୍ ଚାଇନା’

0

ମୁମ୍ବଇ: ମିଖିଲ୍ ମୁସାଲେ ନିର୍ଦେଶିତ ‘ମେଡ୍ ଇନ୍ ଚାଇନା’ ଚଳଚ୍ଚିତ୍ର ଚଳିତ ବର୍ଷ ଦୀପାବଳିରେ ମୁକ୍ତିଲାଭ କରିବାକୁ ଯାଉଛି। ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ରାଜକୁମାର ରାଓ, ମୌନି ରାୟ ଓ ବୋମନ୍ ଇରାନି ଅଭିନୟ କରିଛନ୍ତି। ଚୀନ୍ ଓ ଅହମ୍ମଦାବାଦରେ ସୁଟିଂ ହୋଇଥିବା ଏହି ଚଳଚ୍ଚିତ୍ର ହାସ୍ୟରାସାତ୍ମକ କାହାଣୀ ଉପରେ ଆଧାରିତ। ଏଇ ୨ଦିନ ତଳେ ଏହାର ମୋଶନ୍ ପୋଷ୍ଟର ମୁକ୍ତିଲାଭ ହୋଇଛି। ଚଳଚ୍ଚିତ୍ରର ସୁଟିଂ ଅନେକ ପୂର୍ବରୁ ଶେଷ ହୋଇଥିବାବେଳେ ପ୍ରଥମେ ଅଗଷ୍ଟ ୧୫ରେ ଏହା ମୁକ୍ତିଲାଭ ହେବ ବୋଲି ସ୍ଥିରୀକୃତ ହୋଇଥିଲା। ସେଇ ସମୟରେ କିନ୍ତୁ ‘ସାହୋ’ ଓ ‘ମିଶନ୍ ମଙ୍ଗଲ’ ମୁକ୍ତିଲାଭ କରିବ ବୋଲି ଜଣାପଡ଼ିବା ପରେ ପ୍ରଯୋଜନା ସଂସ୍ଥା ‘ମେଡ୍ ଇନ୍ ଚାଇନା’କୁ ଆଗାମୀ ଦିନ ନିମନ୍ତେ ସ୍ଥଗିତ ରଖିଥିଲେ। ମିଳିଥିବା ଖବର ଅନୁସାରେ, ଦୀପାବଳିରେ ‘ହାଉସଫୁଲ୍-୪’ ମଧ୍ୟ ମୁକ୍ତିଲାଭ କରିବ।

Leave A Reply