ମା’ କାଳୀଙ୍କ ସମ୍ବନ୍ଧରେ ପୌରାଣିକ କଥା

0

ହିନ୍ଦୁ ଧାର୍ମିକ ଗ୍ରନ୍ଥ ଅନୁସାରେ କାର୍ତ୍ତିକ ମାସର ଅମାବାସ୍ୟା ଦିନ ମଧ୍ୟରାତ୍ରିରେ ମା’ କାଳୀଙ୍କର ପୂଜା କରାଯାଇଥାଏ। ଏହି ବର୍ଷ ନଭେମ୍ବର ୬ ତାରିଖରେ କାଳୀ ପୂଜା ପାଳନ କରାଯିବ। ମାନ୍ୟତା ଅନୁଯାୟୀ, ଯେଉଁ ବ୍ୟକ୍ତି ମା’ କାଳୀଙ୍କର ପୂଜା ବିଧି ପୂର୍ବକ କରିଥାନ୍ତି ତାଙ୍କର ସମସ୍ତ ମନୋକାମନା ପୂର୍ଣ୍ଣ ହୋଇଥାଏ।

ପୌରାଣିକ କଥା :

ପୌରାଣିକ କଥା ଅନୁଯାୟୀ, ମା’ ସତୀ ନିଜ ପିତାଙ୍କ ଦ୍ବାରା ଆୟୋଜିତ ଯଜ୍ଞରେ ଅପମାନିତ ହେବା ପରେ ଯଜ୍ଞକୁଣ୍ଡରେ ନିଜକୁ ଭସ୍ମ କରିଥିଲେ। ଏହି ସମୟରେ ପ୍ରଭୁ ଶିବ ତାଣ୍ଡବ କରି ତିନିଲୋକରେ ସଙ୍କଟ ସୃଷ୍ଟି କରିଥିଲେ। ଭଗବାନ ବିଷ୍ଣୁ ସୁଦର୍ଶନ ଚକ୍ର ଦ୍ବାରା ମା’ ସତୀଙ୍କର ଶରୀରକୁ କେତୋଟି ଭାଗ କରିଦେଇଥିଲେ।

ମା’ ସତୀଙ୍କ ଦେହର ଅଂଶାବଶେଷ ଯେଉଁ ଠାରେ ପଡିଥିଲା ସେଠାରେ ଶକ୍ତିପୀଠ ସ୍ଥାପିତ ହୋଇଛି। ମା’ ସତୀଙ୍କ ପାଦର ଆଙ୍ଗୁଠୀ ହୁଗଳୀ ନଦୀରେ ପଡିଥିଲା। ସେଠାରେ ତାଙ୍କର ଆଙ୍ଗୁଠୀ ପଥର ହୋଇ ଯାଇଥିଲା। ଏହି ସ୍ଥାନ କୋଲକାତାରେ ରହିଛି। ସେଠାରେ ମା’ କାଳୀଙ୍କର ମନ୍ଦିର ସ୍ଥାପନ କରାଯାଇଛି। କାର୍ତ୍ତିକ ମାସର ଅମାବାସ୍ୟାରେ ଏହି ସ୍ଥାନରେ ବିଶେଷ ଭାବେ ମା’ ଙ୍କର ପୂଜା କରାଯାଇଥାଏ।

ଆଲେଖ୍ୟ : ପ୍ରଜ୍ଞାସିନୀ ମଲ୍ଲିକ୍

 

Comments
Loading...