ରନ୍ଧନ ଗ୍ୟାସ ବଣ୍ଟନ ନେଟୱାର୍କର ବିସ୍ତାର ପାଇଁ ନିଆଯାଉଛି ପଦକ୍ଷେପ : ଧର୍ମେନ୍ଦ୍ର ପ୍ରଧାନ

0

ନୂଆଦିଲ୍ଲୀ : ସାରା ଦେଶରେ ଜୁଲାଇ ପହିଲା ସୁଦ୍ଧା ୨୦,୫୮୫ ଏଲପିଜି ବିତରଣକାରୀ ରହିଛନ୍ତି। ଏହି ନେଟୱାର୍କକୁ ବିସ୍ତାର କରିବା ଲାଗି ଏବେ ଉଦ୍ୟମ ହେଉଛି। ରାଷ୍ଟ୍ରାୟତ ତୈଳ ବିପଣନ କମ୍ପାନୀମାନେ ଆଉ ୬,୩୫୧ବିତରକ ନିଯୁକ୍ତି ପାଇଁ ବିଜ୍ଞାପନ ଦେଇଛନ୍ତି। ୨୦୧୬ ମସିହାର ଏଲପିଜି ବିତରକ ମନୋନୟନ ସଂକ୍ରାନ୍ତ ଏକୀକୃତ ନିର୍ଦ୍ଦେଶାବଳୀ ଅନୁସାରେ ଏହି ନିଯୁକ୍ତି ପ୍ରଦାନ କରାଯିବ।
ସୋମବାର ଲୋକସଭାରେ ଏକ ପ୍ରଶ୍ନର ଲିଖିତ ଉତ୍ତର ଦେଇ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ବାଷ୍ପ ତଥା ଦକ୍ଷତା ବିକାଶ ଓ ଉଦ୍ୟମୀତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି ସୂଚନା ଦେଇଛନ୍ତି। ସେ କହିଛନ୍ତି ନିଯୁକ୍ତି ପ୍ରକ୍ରିୟାରେ ସ୍ୱଚ୍ଛତା ଓ ପାରଦର୍ଶୀତା ପ୍ରଦର୍ଶନ ଲାଗି ଦରଖାସ୍ତ ଆହ୍ୱାନଠାରୁ ଚୁଡାନ୍ତ ମନୋନୟନ ଓ ନିଯୁକ୍ତି ପର୍ଯନ୍ତ ସମସ୍ତ ପ୍ରକ୍ରିୟା ଅନ୍‍ଲାଇନ୍‍ ଯୋଗେ କରାଯାଉଛି। ଇସ୍ପାତ ମନ୍ତ୍ରଣାଳୟ ଅଧିନରେ ପରିଚାଳିତ ମେସର୍ସ ମେଟାଲ ସ୍କ୍ରାବ ଟ୍ରେଡ କର୍ପୋରେସନ ଲିମିଟେଡ, ଏନଆଇସି ସହାୟତାରେ ଏହି ଅନ୍‍ଲାଇନ୍‍ ପ୍ରକ୍ରିୟା ପରିଚାଳନା କରୁଛନ୍ତି ବୋଲି କେନ୍ଦ୍ର ମନ୍ତ୍ରୀ କହିଛନ୍ତି।

Comments
Loading...