ଲୁଟ୍‌ ପାଇଁ ଭଡ଼ାରେ ମିଳୁଛି ବାଇକ୍; ସଫଳ ହେଲେ ଭଡ଼ା ସହ ଲୁଟ୍‌ମାଲ୍‌ରୁ ଭାଗ

ଭୁବନେଶ୍ବର: ଲୁଟ୍‌ ପାଇଁ ଅଭିନବ ଉଦ୍ୟମ ଆପଣେଇଛନ୍ତି ଲୁଟେରା। ଏବେ ନିଜ ବାଇକ୍‌ ନୁହେଁ, ଲୁଟ୍‌ ପାଇଁ ବ୍ୟବହାର ହେଉଛି ଭଡ଼ା ବାଇକ୍‌। ପୁଲିସ୍‌କୁ ଚକ୍‌ମା ଦେଖାଇ ପ୍ରତିଦିନ ନୂଆ ନୂଆ ବାଇକ୍‌ରେ ଆସୁଛନ୍ତି ଲୁଟେରା। ଲୋକେ କିଛି ବୁଝିବା ପୂର୍ବରୁ ଆଖି ପଛୁଳାକେ ଲୁଟ୍‌ପାଟ୍‌ କରି ଚାଲିଯାଉଛନ୍ତି। ଗୋଟିଏ ବାଇକ୍‌ରେ ଯିବାଆସିବା କଲେ କାଳେ ଧରାପଡ଼ିଯିବା ଭୟରେ ଏବେ ଲୁଟେରା ଏଭଳି ପନ୍ଥା ଅବଲମ୍ବନ କରିଥିବା ଜଣାପଡ଼ିଛି।
ଲୁଟ୍‌ ପାଇଁ ଭଡ଼ାରେ ମିଳୁଛି ବାଇକ୍‌। କଥାଟା ବିଶ୍ବାସ ନ ହେଲେ ମଧ୍ୟ ସତ। ନୟାପଲ୍ଲୀ ପୁଲିସ ଦ୍ବାରା ଏଭଳି ଏକ ଲୁଟେରା ଗ୍ୟାଙ୍ଗ୍‌ର କାର୍‌ନାମା ପର୍ଦ୍ଦାଫାସ କରିଛି, ଯେଉଁମାନେ ଭଡ଼ାରେ ବାଇକ୍‌ ଆଣି ଲୁଟ୍‌ପାଟ୍‌ କରୁଛନ୍ତି। ଭଡ଼ାରେ ବାଇକ୍‌ ଆଣି ଲୁଟେରାମାନେ ୮ ସୁନା ଚେନ୍ ଲୁଟି ଥିବା ଜଣାପଡ଼ିଛି। ସେମାନଙ୍କର ୨ଟି ଗାଡ଼ି ସହ ୩ ଲୁଟେରା ଗିରଫ କରିଛି ନୟାପଲ୍ଲୀ ପୁଲିସି। ଅପରପକ୍ଷରେ ଲୁଟ୍‌ ସାମଗ୍ରୀ କିଣୁଥିବା ୨ଜଣ ଲୋକଙ୍କୁ ପୁଲିସ ଗିରଫ କରିଛି।
ଆଜି ଗିରଫ ଲୁଟେରାଙ୍କୁ ଜେରାବେଳେ ନୟାପଲ୍ଲୀ ପୁଲିସକୁ ମିଳିଛି ସାଂଘାତିକ ସୂଚନା। ଲୁଟ୍‌ ପାଇଁ ଭଡ଼ାରେ ବାଇକ୍‌ ମିଳୁଥିବା ପୁଲିସକୁ ଲୁଟେରାମାନେ ସୂଚନା ଦେଇଛନ୍ତି। ଲୁଟ୍‌ରେ ସଫଳ ହେଲେ ବାଇକ୍‌ ଭଡ଼ା ସହ ଲୁଟ୍‌ମାଲ୍‌ରୁ ମଧ୍ୟ ଭାଗ ମିଳୁଛି। ଏଭଳି ଘଟଣା ଜଣାପଡ଼ିବା ପରେ କେଉଁମାନେ ଲୁଟ୍‌ ଉଦ୍ୟମ ପାଇଁ ଲୁଟେରାଙ୍କୁ ଭଡ଼ାରେ ବାଇକ୍‌ ଦେଉଛନ୍ତି ତାହାକୁ ନେଇ ନୟାପଲ୍ଲୀ ପୁଲିସ ତଦନ୍ତ ଆରମ୍ଭ କରିଛି।

Comments
Loading...