କୁଚିଣ୍ଡା ଥାନା ଅଞ୍ଚଳରେ ଏକାଧିକ ଚୋରୀ ଅଭିଯୋଗ

କୁଚିଣ୍ଡା : କୁଚିଣ୍ଡା ଥାନା ଅଞ୍ଚଳରେ ଗତ ରାତ୍ରରେ ଏକକାଳୀନ ଏକାଧିକ ଚୋରୀ ହୋଇଥିବା ଅଭିଯୋଗ ହୋଇଛି। ଏହି ଘଟଣା ପରେ ସାଧାରଣରେ ଆତଙ୍କ ଖେଳିଯାଇଛି। ଭୋଜପୁର ପଞ୍ଚାୟତ ମହୁକୁମାସ୍ଥ ଛକରେ କପଡା ଦୋକାନ ଦେଇଥିବା ଶ୍ରୀତମ ମହାନ୍ତିଙ୍କ ଦୋକାନରୁ ବହୁ ପରିମାଣରେ ନୂତନ ବସ୍ତ୍ର ଚୋରୀ ହୋଇଥିବା ଅଭିଯୋଗ ହୋଇଛି। ଦୋକାନରେ ଥିବା ପ୍ୟାଣ୍ଟ, ସାର୍ଟ ସମେତ ଟଙ୍କା ମଧ୍ୟ ନେଇଥିବା ଅଭିଯୋଗରୁ ପ୍ରକାଶ। ଏହି ଘଟଣାରେ ପୁଲିସ ଜଣକୁ ଅଟକ ରଖିଥିବା ଜଣାଯାଇଛି। ସେହିପରି ଗୁଣ୍ଡୁରୁଚୁଆଁ ପଞ୍ଚାୟତ ମହୁକୁମାରେ ଥିବା ଏକ ମୋବାଇଲ ଦୋକାନରୁ ଦୋକାନ କବାଟ ତାଡ଼ି ତିନୋଟି ମୋବାଇଲ ଚୋରୀ ହୋଇଥିବା ଅଭିଯୋଗ ହୋଇଛି। ଉଭୟ ଘଟଣାରେ ପୁଲିସ ଭିନ୍ନ ଭିନ୍ନ ମାମଲା ରୁଜ୍ଜୁ କରି ତଦନ୍ତ କରୁଥିବା ସୂଚନା ମିଳିଛି ।

Comments
Loading...