ଭଣ୍ଡାରିପୋଖରୀ: ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ୍ ଅନ୍ତର୍ଗତ ମଞ୍ଜୁରୀରୋଡ଼ ବଜାରରେ ଶୁକ୍ରବାର ଦିନ ଦ୍ୱିପ୍ରହରରେ ବ୍ୟାଙ୍କ୍ ସାମ୍ନାରୁ ଜଣେ ବ୍ୟକ୍ତିଙ୍କଠାରୁ ଦୁର୍ବୃତ୍ତ ୧.୫ ଲକ୍ଷ ଟଙ୍କା ଲୁଟି ନେଇଛନ୍ତି। ବ୍ୟକ୍ତିଜଣକ ବ୍ୟାଙ୍କରେ ଟଙ୍କା ଜମା କରିବାକୁ ଆସିଥିବା ବେଳେ ୨ ଦୁର୍ବୃତ୍ତ ତାଙ୍କଠାରୁ ଟଙ୍କା ଛଡ଼ାଇ ନେଇଛନ୍ତି।
ସୂଚନା ଅନୁସାରେ, ଶଙ୍କର୍ଷଣ ପଣ୍ଡା ନାମକ ବ୍ୟକ୍ତି ବଜାରରେ ଥିବା ଆଲ୍ଲାହାବାଦ ବ୍ୟାଙ୍କଙ୍କୁ ୧.୩ ଲକ୍ଷ ଟଙ୍କା ଜମା କରିବାକୁ ଯାଉଥିଲେ। ହଠାତ୍ ୨ ଦୁର୍ବୃତ୍ତ ବାଇକ୍ରେ ଆସି ବ୍ୟାଙ୍କ୍ ସାମ୍ନାରୁ ତାଙ୍କ ହାତରୁ ଟଙ୍କା ଛଡ଼ାଇ ନେଇଥିଲେ। ଏହାପରେ ସ୍ଥାନୀୟ ଲୋକ ଓ ମଞ୍ଜୁରୀରୋଡ଼ ପୁଲିସ ସହାୟତାରେ ସେମାନେ ଲୁଟେରାଙ୍କ ପିଛା କରିଥିଲେ। ମାତ୍ର କିଛି ବାଟ ପିଛା କରିବା ପରେ ଅଧା ରାସ୍ତାରେ ବାଇକ୍ ପକାଇ ଦୁର୍ବୃତ୍ତମାନେ ଫେରାର୍ ହୋଇଯାଇଥିଲେ। ପୁଲିସ ନମ୍ବର ପ୍ଲେଟ୍ ବିହୀନ ବାଇକ୍ଟିକୁ ଜବତ କରି ତଦନ୍ତ ଜାରି ରଖିଛି।
Comments are closed.