ଲକ୍ଷ୍ନୌ : ମୁଖ୍ୟ ନିର୍ବାଚନ ଆୟୁକ୍ତ ସୁନୀଲ ଆରୋଡ଼ା ଶୁକ୍ରବାର ଲୋକସଭା ନିର୍ବାଚନକୁ ନେଇ ଚାଲିଥିବା ସମସ୍ତ କଳ୍ପନାଜଳ୍ପନାର ଅନ୍ତ ଘଟାଇଛନ୍ତି। ଲକ୍ଷ୍ନୌଠାରେ ସେ କହିଛନ୍ତି ଯେ ଆସନ୍ତା ଲୋକସଭା ନିର୍ବାଚନ ଧାର୍ଯ୍ୟ ସମୟରେ ହେବ। ଏବେ ପ୍ରାର୍ଥୀଙ୍କୁ ୫ ବର୍ଷ ଆୟର ବିବରଣୀ ଦେବାକୁ ପଡ଼ିବ। ଏହା ପୂର୍ବରୁ ପ୍ରାର୍ଥୀଙ୍କୁ କେବଳ ଗୋଟିଏ ବର୍ଷର ଆୟ ବିବରଣୀ ଦେବାକୁ ପଡୁଥିଲା। ଏହାସହ ପାନକାର୍ଡ ଜରିଆରେ ବିଦେଶ ସମ୍ପତ୍ତିର ବିବରଣୀ ଦେବାକୁ ପଡ଼ିବ।
ଆରୋଡ଼ା ଉତ୍ତରପ୍ରଦେଶ ବିଧାନ ପରିଷଦଠାରେ ଗୁରୁବାର ରାଜ୍ୟ ପୁଲିସ୍ ଅଧିକାରୀଙ୍କ ସହ ବୈଠକ କରିôତଲେ। ଏହି ଅବସରରେ ସେ ନିର୍ବାଚନ ସମ୍ପର୍କିତ ପ୍ରସ୍ତୁତିର ତଦାରଖ କରିଥିଲେ। ନିର୍ବାଚନ ସମୟରେ କେନ୍ଦ୍ରୀୟ ସୁରକ୍ଷାର ଅଧିକରୁ ଅଧିକ ବ୍ୟବହାର କରିବାକୁ ନିର୍ଦେଶ ଦିଆଯାଇଥିବା ଆୟୁକ୍ତ ପ୍ରକାଶ କରିଛନ୍ତି। ସେହିପରି ବାଲାଟ ପେପରରେ ନିର୍ବାଚନ ହେବ ନାର୍ହି, କେବଳ ଇଲେକ୍ଟ୍ରୋନିକ ଭୋଟିଂ ମେସିନ (ଇଭିଏମ)ରେ ହିଁ ମତଦାନ ହେବ ବୋଲି ସେ ପ୍ରକାଶ କରିଛନ୍ତି।
