କରୋନା ଭୂତାଣୁ ଏବଂ ଅମ୍ପନ ମଧ୍ୟରେ ଦେଶ ପାଇଁ ପାକିସ୍ତାନରୁ ଆଉ ଏକ ବିପଦ

ନୂଆଦିଲ୍ଲୀ : ବର୍ଷର ପ୍ରଥମ ଛଅ ମାସ ବିତିନାହିଁ, କିନ୍ତୁ କରୋନା ଏବଂ ବାତ୍ୟା ଅମ୍ପନ ପରେ ବର୍ତ୍ତମାନ ଦେଶରେ ଆଉ ଏକ ବଡ଼ ସଙ୍କଟ ବା ବିପଦ ଦେଖାଦେଇଛି । ପାକିସ୍ତାନରୁ ଆସିଥିବା ଏହି ସଙ୍କଟ ୟୁପି ଏବଂ ମଧ୍ୟ ପ୍ରଦେଶ ସୀମାରେ ପାଦ ଦେଇଛି । ପଙ୍ଗପାଳ ଦଳ ଦିଲ୍ଲୀ ଆଡକୁ ଯାଉଥିବାବେଳେ ରାସ୍ତାରେ ଆସୁଥିବା ଫସଲ ଖାଇ ନଷ୍ଟ କରିବାରେ ଲାଗିଛନ୍ତି ।
ରାଜସ୍ଥାନରେ ପ୍ରବେଶ କରିଥିବା ପଙ୍ଗପାଳ ବର୍ତ୍ତମାନ ଦେଶର ଅନ୍ୟାନ୍ୟ ସ୍ଥାନକୁ ମାଡି ଚାଲିଛନ୍ତି। ଏହି ପାକିସ୍ତାନୀ ଆକ୍ରମଣର ଲକ୍ଷ୍ୟ ହେଉଛି ୟୁପି, ପଞ୍ଜାବ, ହରିୟାଣା ଏବଂ ମଧ୍ୟପ୍ରଦେଶ। ସାଧାରଣତଃ ଜୁନ୍-ଜୁଲାଇରେ ଆସୁଥିବା ଏହି ପଙ୍ଗପାଳମାନେ ଏବେ ଦିଲ୍ଲୀ ଅଭିମୁଖେ ଯାଉଛନ୍ତି ଏବଂ ବାଟରେ ପଡୁଥିବା ସମସ୍ତ ଫସଲକୁ ଖାଇ ଦେଉଛନ୍ତି ।
ଝଡ ବାତ୍ୟା ଆଦି ଡ଼ରର ଏହି ମାସରେ, ପଙ୍ଗପାଳମାନେ ପବନର ଗତିପଥରେ ଆଗକୁ ଆଗକୁ ଗତି କରୁଥିବାବେଳେ ଗୋଟିଏ ଦିନରେ ସେମାନେ ୨୦୦-୨୦୦ କିଲୋମିଟର ପର୍ଯ୍ୟନ୍ତ ଦ୍ରୁତ ଗତିରେ ମାଡି ଚାଲିଛନ୍ତି । ପରିବେଶ ମନ୍ତ୍ରଣାଳୟ ଅନୁଯାୟୀ ଫସଲ ଏବଂ ପନିପରିବାକୁ ସେମାନଙ୍କଠାରୁ ଗୁରୁତର ବିପଦ ରହିଛି । ଏନେଇ ମନ୍ତ୍ରଣାଳୟ ମଧ୍ୟ ସମସ୍ତ ରାଜ୍ୟକୁ ସତର୍କ ସୂଚନା ଜାରି କରିଛି । ଏହି କାରଣରୁ କେବଳ ରାଜସ୍ଥାନ ଗତ ବର୍ଷ ୧୦୦୦ କୋଟି ହରାଇଥିଲା। ବିଶେଷଜ୍ଞଙ୍କ ଅନୁଯାୟୀ, ଏଥର ପଙ୍ଗପାଳମାନେ ବଡ଼ ଏବଂ ବଡ଼ ହେବେ ବୋଲି ଆଶା କରାଯାଉଛି। ଏଭଳି ପରିସ୍ଥିତିରେ ପୂର୍ବରୁ ସଙ୍କଟର ସମ୍ମୁଖୀନ ହୋଇଥିବା କୃଷକମାନେ ବହୁତ କ୍ଷତିର ସମ୍ମୁଖୀନ ହେବେ।
ପଙ୍ଗପାଳ ଦଳ ରାଜସ୍ଥାନର ଜୈସଲମେର, ବାଡମେର, ଶ୍ରୀଗଙ୍ଗଗାନଗର, ଯୋଧପୁରରେ ପ୍ରବେଶ କରି ବର୍ତ୍ତମାନ ଦୌସା, ସାୱାଇମାଧେପୁର, କରୌଲୀ ଏବଂ ଧୌଲପୁରରେ ପହଞ୍ଚିଛନ୍ତି । ଦୁଇ ଦିନ ତଳେ ପଙ୍ଗପାଳଙ୍କ ଏକ ବଡ଼ ଦଳ ଶିବାଡ଼ ଅଞ୍ଚଳରେ ଦୁଇଟି ଦଳରେ ବିଭକ୍ତ ହୋଇଥିଲେ । ଇନ୍ଦ୍ରଗଡ ଲାଖୀରରୁ ଗୋଟିଏ ଦଳ ଏବଂ ବନାସ ନଦୀ ପଟରୁ ଅନ୍ୟ ଏକ ଦଳ ମଧ୍ୟପ୍ରଦେଶ ଏବଂ ଉତ୍ତରପ୍ରଦେଶ ଆଡକୁ ଯାଉଛନ୍ତି । ବିଶ୍ୱ ସ୍ୱାସ୍ଥ୍ୟ ସଂଗଠନ ଚେତାବନୀ ଦେଇଛି ଯେ ଯଦି ଏହି କୀଟ ଥରେ ଗୋଟିଏ ଅଞ୍ଚଳରେ ପ୍ରବେଶ କରନ୍ତି ତେବେ ଏହାର ପ୍ରକୋପ ଅତି କମରେ ତିନି ବର୍ଷ ପର୍ଯ୍ୟନ୍ତ ଚାଲିବ । ସେମାନଙ୍କର ଅଣ୍ଡାରୁ କୋଟି କୋଟି ସଂଖ୍ୟାରେ ପଙ୍ଗପାଳ ବୃଦ୍ଧି ହୋଇଥାନ୍ତି ।

-ପରିବେଶ ମନ୍ତ୍ରଣାଳୟ ମଧ୍ୟ ପଞ୍ଜାବ ଏବଂ ହରିୟାଣାକୁ ସତର୍କ ସୂଚନା ଜାରି କରିଛି
-ଘଡଘଡି ବର୍ଷା ସହିତ ଦିନରେ ପଙ୍ଗପାଳ ୨୦୦ କିଲୋମିଟର ପର୍ୟ୍ୟନ୍ତ ଗତି ରିଥାନ୍ତି
-ଗତ ବର୍ଷ କେବଳ ରାଜସ୍ଥାନ ୧୦୦୦ କୋଟି ଟଙ୍କାର କ୍ଷତି ସହିଥିଲା
-ଆଗ୍ରାରେ ମଧ୍ୟ ସତର୍କ ସୂଚନା ଜାରି କରାଯାଇଛି

ଆଗ୍ରାରେ କୃଷକମାନଙ୍କୁ ସଜାଗ ରହିବାକୁ କୁହାଯାଇଛି । ତେବେ ତୁରନ୍ତ ଚିନ୍ତା କରାଯାଉ ନାହିଁ ବୋଲି ମଧ୍ୟ କୁହାଯାଇଛି । ଏହାପୂର୍ବରୁ ସାହାରନପୁର, ମୁଜାଫରନଗର, ଶାମଲି, ମୀରଟ, ବାଗପତ, ହାପୁଡ, ମଥୁରା, ଗାଜିଆବାଦ ଏବଂ ଆଲିଗଡରେ ମଧ୍ୟ ସତର୍କ ସୂଚନା ଜାରି କରାଯାଇଥିଲା ।