ସରକାରୀ ଜାଗାରେ ମଦ ଦୋକାନ : ଭାଙ୍ଗିଲା ପ୍ରଶାସନ

ବ୍ରହ୍ମପୁର : ବ୍ରହ୍ମପୁର ସହର ଖୋଡ଼ାସିଙ୍ଗି ଅଞ୍ଚଳରେ ସରକାରୀ ଜାଗା ଉପରେ ନିର୍ମିତ ଦୁଇଟି ମଦ ଦୋକାନକୁ ଶୁକ୍ରବାର ବ୍ରହ୍ମପୁର ଉପଖଣ୍ଡ ପ୍ରଶାସନ ତରଫରୁ ଉଚ୍ଛେଦ କରାଯାଇଛି। ଉଭୟ ଦୋକାନକୁ ସଂପୂର୍ଣ୍ଣ ଭାଙ୍ଗି ଦିଆଯାଇଛି। ଗୋଟିଏ ଦୋକାନ ଖୋଡ଼ାସିଙ୍ଗି ମୁଖ୍ୟ ରାସ୍ତା ପାର୍ଶ୍ବରେ ଥିବା ବେଳେ ଅନ୍ୟଟି ଖୋଡ଼ାସିଙ୍ଗି ପୋଖରୀ ହୁଡ଼ାରେ ନିର୍ମିତ ହୋଇଥିଲା। ଅନେକ ବର୍ଷ ହେଲା ଦୋକାନକୁ ଏନେଇ ନୋଟିସ୍‌ ଦିଆଯାଇଥିଲା। ହେଲେ ମାଲିକମାନେ ଦୋକାନ ହଟାଇବା ବଦଳରେ ଆହୁରି ବେପାରକୁ ବଢ଼ାଇ ଦେଇଥିଲେ। ଦୈନିକ ପ୍ରବଳ ଜନଗହଳି ହେଉଥିଲା। ରାସ୍ତାରେ ଯିବା ଆସିବାରେ ମଧ୍ୟ ଅସୁବିଧା ହେଉଥିଲା । ବାରମ୍ବାର ଏନେଇ ଅଭିଯୋଗ ହେବା ପରେ ଗୁରୁବାର ଉପଜିଲାପାଳ ଭି.କିର୍ତ୍ତି ଭାସନ, ଏସ୍‌ଡିଏମ୍‌ ଡ.ଶ୍ବେତ କୁମାର ଦାସଙ୍କ ସମେତ ଅନ୍ୟ ପ୍ରଶାସନିକ ଅଧିକାରୀମାନେ ଦୋକାନ ଉପରେ ଚଢ଼ଉ କରିଥିଲେ। ଉଭୟ ଦୋକାନକୁ ସିଲ୍‌ କରିଦେଇଥିଲେ। ଶୁକ୍ରବାର ଦୋକାନ ଦ୍ବୟକୁ ଭାଙ୍ଗି ଦିଆଯାଇଛି ।

Comments
Loading...