ମୃତ୍ୟୁର ୮ଘଣ୍ଟା ପରେ ପୁନଃ ଜୀବିତ ହେଲେ ମହିଳା

0

ଈଶ୍ବରଙ୍କ ଚମତ୍କାରିତାକୁ ସାଧାରଣ ମନୁଷ୍ୟ ବା କିପରି ବୁଝିପାରିବ? ଗତ ମଙ୍ଗଳବାରର ଘଟଣା। ପଞ୍ଜାବର ଗୁରୁଦାସପୁର ଅଞ୍ଚଳର ୬୬ ବର୍ଷୀୟା ବୀରା ଦେବୀ ଅନେକ ବର୍ଷ ହେବ ମଧୁମେହରେ ଆକ୍ରାନ୍ତ ଥିଲେ। ମଙ୍ଗଳବାର ଭୋରରୁ ତାଙ୍କୁ ଅସ୍ବସ୍ତି ଲାଗିବାରୁ ସେ ନିଜ ବୋହୂକୁ ଏକଥା କହିଲେ। ତୁରନ୍ତ ଚିକିତ୍ସାଳୟ ଯାଇ ବିଭିନ୍ନ ପରୀକ୍ଷା ପରେ ଜଣାପଡ଼ିଥିଲା ରକ୍ତରେ ଶର୍କରା ବଢ଼ିଛି। ଡାକ୍ତରଙ୍କ ପରାମର୍ଶରେ ଔଷଧପତ୍ର ଆଣି ଶାଶୂ-ବୋହୂ ଘରକୁ ଫେରିଲେ। ସନ୍ଧ୍ୟାବେଳକୁ ବୀରା ଦେବୀଙ୍କ ସ୍ବାସ୍ଥ୍ୟ ଅଧିକ ଖରାପ ହେଲାରୁ ତାଙ୍କ ବୋହୂ ଏ ପରିସ୍ଥିତି ଦେଖି ନିଜ ସ୍ବାମୀ ଓ ନଣନ୍ଦଙ୍କୁ ତୁରନ୍ତ ଖବର ଦେଲେ। ସମସ୍ତେ ବୀରା ଦେବୀଙ୍କ ପାଖେ ଥାନ୍ତି। ରାତି ୯ଟାବେଳକୁ ବୃଦ୍ଧାଙ୍କ ଶରୀର ପୂରା ନିସ୍ତେଜ ହୋଇପଡ଼ିଲା। ପରିବାରଲୋକେ ଡାକ୍ତରଖାନା ନେଲେ। ଡାକ୍ତର ପରୀକ୍ଷା କରିବା ପରେ ତାଙ୍କୁ ମୃତ ଘୋଷିତ କଲେ। ଶବ ସଂସ୍କାରର ସମସ୍ତ କାମ ଚାଲିଥାଏ। କୁଟୁମ୍ବ ଲୋକେ କନ୍ଦାକଟା କରୁଥାନ୍ତି। ସୂର୍ଯ୍ୟ ଉଦୟ ପରେ ଶବଦାହ କରାଯିବ ବୋଲି ପରିବାରଲୋକେ ସ୍ଥିର କରିଥିଲେ। ଏଇ ଘଟଣାର ଠିକ୍ ୮ ଘଣ୍ଟା ପରେ ବୀରା ଦେବୀ କୋକେଇରୁ ଶୋଇବା ସ୍ଥାନରୁ ଉଠି ବସି କହିଲେ, ମୁଁ ସ୍ବର୍ଗରୁ ଫେରିଆସିଲି। କେତେଜଣ ଭୂତ ବୋଲି କହି ଚିତ୍କାର କଲେ, କିନ୍ତୁ ପ୍ରକୃତରେ ବୀରା ଦେବୀ ଜୀବିତ ହୋଇ ବାର୍ତ୍ତାଳାପ କରୁଥିଲେ। ଅନ୍ୟମାନେ ତାଙ୍କୁ ଏଇ ୮ ଘଣ୍ଟାର ଅନୁଭୂତି ମଧ୍ୟ ପଚାରିଲେ। ବୀରା ଦେବୀ କହିଛନ୍ତି, ଏକ ଖୁବ୍ ଆଲୋକିତ ସ୍ଥାନରେ ସେ ନିଜ ବାପାବୋଉଙ୍କ ପାଖେ ବସି କଥା ହେଉଥିଲେ। ତେବେ କିଛି ବାର୍ତ୍ତାଳାପ ପରେ ବାପା କହିଥିଲେ, ତୁ ଜଲ୍‌ଦି ପଳେଇ ଆସିଲୁ। ସମୟ ହୋଇନି, ପରେ ଆସିବୁ। ଏହା ପରେ ସେ ଆଖି ଖୋଲି ନିଜକୁ ପୁନଃ ଜୀବିତ ଭାବେ ଦେଖିଲେ।

Leave A Reply