ବାଙ୍କୀ: ବାଙ୍କୀ ଉପଖଣ୍ଡ ଅନ୍ତର୍ଗତ ବାଙ୍କୀ-ଡମପଡ଼ା ବ୍ଲକକୁ ଭିଜିଲାନ୍ସ ତଦନ୍ତ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଲେ କଂଗ୍ରେସ ମୁଖ୍ୟ ସଚେତକ ତାରା ପ୍ରସାଦ ବାହିନୀ ପତି । ଡମପଡ଼ା ବ୍ଲକରେ ଇନ୍ଦିରା ଆବାସ, ମୋ କୁଡିଆ, ବିଜୁ ପକ୍କା ଘର ଆଦି ଯୋଜନାରେ ବହୁ ଦୁର୍ନୀତି ହୋଇଥିବା ନେଇ ଚିଠିରେ ଉଲ୍ଲେଖ କରାଯାଇଛି ।
ସୂଚନା ଥାଉକି, ଡମପଡ଼ା ବ୍ଲକ ଅଧିନ ଢଁସର ପଂଚାୟତରେ ବ୍ୟାପକ ଦୁର୍ନୀତି ହୋଇଥିବା ନେଇ ଗତ କିଛି ଦିନ ତଳେ ସୂଚନା ଅଧିକାର କର୍ମୀ ନକୁଳ ପ୍ରଧାନ ଅନସନରେ ବସିଥିଲେ । ନକୁଳଙ୍କ ଅନସନକୁ ସମର୍ଥନ ଜଣାଇ ତାରାପ୍ରସାଦ ବାହିନୀ ପତି ବାଙ୍କୀ ଡମପଡ଼ା ବ୍ଲକ ପରିସରରେ ପହଞ୍ଚି ବ୍ଲକ ପ୍ରଶାସନର କାର୍ୟ୍ୟକୁ ନିନ୍ଦା କରିଥିଲେ । ଗତକାଲି ତାରା ପ୍ରସାଦ ବାହିନୀ ପତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ନମ୍ବର ୬୯୦/ଭୁବନେଶ୍ୱରରେ ପତ୍ର ଲେଖି ପଂଚାୟତିରାଜ ବିଭାଗକୁ ସ୍ୱଚ୍ଛ ଓ ନର୍ମଳ କରିବା ସହିତ ଡମପଡ଼ା ବ୍ଲକ ଅଧିନରେ ଥିବା ବିଭିନ୍ନ ପଞ୍ଚାୟତରେ ପ୍ରକୃତ ଯୋଗ୍ୟ ହିତାଧିକାରୀ ସରକାରୀ ଯୋଜନାରୁ ବଞ୍ଚିତ ହେଉଥିବା ବେଳେ ଅଯୋଗ୍ୟ ହିତାଧିକାରୀମାନେ ପିିସି କାରବାର କରି ଅସାଧୁ ଉପାୟରେ ସରକାରୀ ଯୋଜନା ହାତୋଉଥିବା ଉଲ୍ଲେଖ କରିଛନ୍ତି । ଯାହା ଫଳରେ ପଂଚାୟତିରାଜ ବିଭାଗ ପ୍ରକୃତ ଉଦ୍ଦେଶ୍ୟରୁ ବିଫଳ ହେଉଥିବା ପତ୍ରରେ ଲେଖାଯାଇଛି । ଯେହେତୁ ରାଜ୍ୟ ସରକାର ସ୍ୱଚ୍ଛ ନିର୍ମଳ ଶାସନ ଯୋଗାଇ ଦିଆଯାଉଥିବା ପ୍ରକାଶ କରୁଛନ୍ତି ସେଥିପାଇଁ ଡମପଡ଼ା ବ୍ଲକୁ ଦୁର୍ନୀତି ମୁକ୍ତ କରିବା ପାଇଁ ବ୍ଲକର ଭିଜିଲାନ୍ସ ତଦନ୍ତ କରିବା ସହିତ ଅସାଧୁ ବ୍ୟକ୍ତି ଏବଂ କର୍ମଚାରୀଙ୍କ ବିରୁଦ୍ଧରେ କାର୍ୟ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି ରଖିଛନ୍ତି । ନଚେତ୍ ଆଗାମୀ ଦିନରେ ଜନଆନ୍ଦୋଳନ କରାଯିବ ବୋଲି ପତ୍ରରେ ଉଲ୍ଲେଖ କରିଛନ୍ତି ।
Comments are closed.