ଓଡ଼ିଶାରେ ଅଧିକ ୧୯ଟି ଅମ୍ଳଜାନ ପ୍ଲାଣ୍ଟ୍‍ ସ୍ଥାପନ ପାଇଁ କେନ୍ଦ୍ରକୁ ପତ୍ର ଲେଖିଲେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ

ଓଡ଼ିଶାରେ ଅଧିକ ୧୯ଟି ପିଏସଏ ମେଡିକାଲ୍‍ ଅକ୍ସିଜେନ୍‍ ପ୍ଲାଣ୍ଟ୍‍ ସ୍ଥାପନ ପାଇଁ କେନ୍ଦ୍ରମନ୍ତ୍ରୀ ପ୍ରତାପ ଚନ୍ଦ୍ର ଷଡ଼ଙ୍ଗୀ ପିଏମଓ କେନ୍ଦ୍ରମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହଙ୍କୁ ଅନୁରୋଧ କରିଛନ୍ତି। ଏହି ମର୍ମରେ ଶ୍ରୀ ଷଡ଼ଙ୍ଗୀ ଲେଖିଥିବା ପତ୍ରରେ ଦର୍ଶାଇଛନ୍ତି, ରାଜ୍ୟରେ ୨୧ଟି ଅକ୍ସିଜେନ୍‍ ପ୍ଲାଣ୍ଟ୍‍ ସ୍ଥାପନ ହେଉଥିବା ବେଳେ ୧୫ଟି କରୋନାପ୍ରବଣ ଜିଲ୍ଲାରେ ଅମ୍ଳଜାନ ଆବଶ୍ୟକତା ପୂରଣ କରିବା ପାଇଁ ଅଧିକ ୧୯ଟି ପ୍ଲାଣ୍ଟ୍‍ ସ୍ଥାପନର ଆବଶ୍ୟକତା ରହିଛି।


ପୂର୍ବରୁ ରାଜ୍ୟ ସରକାର ବାଲେଶ୍ୱର, ବଲାଙ୍ଗିର, କଟକ, ଦେବଗଡ଼, ଢେଙ୍କାନାଳ, ଗଞ୍ଜାମ, ଜଗତ୍‍ସିଂହପୁର, କେନ୍ଦ୍ରାପଡ଼ା, ଖୋର୍ଦ୍ଧା, କୋରାପୁଟ, ମୟୂରଭଞ୍ଜ, ପୁରୀ, ରାୟଗଡ଼ା, ସମ୍ବଲପୁର ଏବଂ ସୁବର୍ଣ୍ଣପୁରରେ ଏହି ପ୍ଲାଣ୍ଟ୍‍ ସ୍ଥାପନ କରିବା ପାଇଁ ପ୍ରସ୍ତାବ ଦେଇଥିବା ବେଳେ କେନ୍ଦ୍ରମନ୍ତ୍ରୀ ଶ୍ରୀ ଷଡ଼ଙ୍ଗୀ ପି.ଏମ୍‍. କେୟାର୍ସ ପାଣ୍ଠିରୁ ଆବଶ୍ୟକ ଅର୍ଥ ବ୍ୟବସ୍ଥା କରି ଏହା ସ୍ଥାପନ କରିବାକୁ ଅନୁରୋଧ କରିଛନ୍ତି। ଶ୍ରୀ ଷଡ଼ଙ୍ଗୀ ତାଙ୍କ ପତ୍ରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କରୋନା ମହାମାରୀ ମୁକାବିଲା ଦିଗରେ ସମସ୍ତ ସମ୍ଭାବ୍ୟ ପଦକ୍ଷେପ ନେଉଥିବା ଦର୍ଶାଇଛନ୍ତି।

Comments
Loading...