୪୮ଏମ୍‌ପି କ୍ୟାମେରା ଓ ୫ହଜାର ଏମ୍‌ଏଚ୍ ବ୍ୟାଟେରୀ ସହ ଲୋନୋଭୋ କେ-୧୨ ନୋଟ୍ ସ୍ମାର୍ଟଫୋନର ବଜାର ପ୍ରବେଶ

ନୂଆଦିଲ୍ଲୀ : ଲୋନୋଭୋ କେ-୧୨ ନୋଟ୍ ସ୍କାର୍ଟଫୋନର ବଜାର ପ୍ରବେଶ ହୋଇଛି। ଏହି ଫୋନ୍ ହେଉଛି ଭାରତରେ ପୂର୍ବରୁ ଲଞ୍ଚ ହୋଇଥିବା ମୋଟୋ ଜି-୯ର ଏକ ଅପଗ୍ରେଡ଼୍ ସଂସ୍କରଣ। ଲେନୋଭୋ କେ-୧୨ ନୋଟ୍ ସ୍କାର୍ଟଫୋନରେ ଜବରଦସ୍ତ ଆସପେକ୍ଟ ରେଶିଓ, ଟ୍ରିପଲ ରିଅର କ୍ୟାମେରା ସେଟ୍ଅପ୍ ରହିଛି । କମ୍ପାନୀ ପକ୍ଷରୁ ସାଉଦି ଆରବରେ ପ୍ରଥମେ ଏହି ସ୍ମାର୍ଟଫୋନକୁ ଲଞ୍ଚ କରାଯାଇଛି । ଏହି ଫୋନର ମୂଲ୍ୟ ୧୬୦ ଡଲାର ଅର୍ଥାତ୍ ପ୍ରାୟ ୧୧ ହଜାର ୮୦୦ ଟଙ୍କା ରାଖାଯାଇଛି ।
ଫୋନରେ ୭୨୦x୧୬୦୦ ପିକ୍ସେଲ ରିଜୋଲ୍ୟୁସନ ସହିତ ୬.୫-ଇଞ୍ଚ ଏଚଡି + ଆଇପିଏସ୍ ଏଲସିଡ଼ି ଡିସପ୍ଲେ ରହିଛି।ଆଣ୍ଡ୍ରଏଡ୍ ୧୦ ଓଏସରେ କାମ କରୁଥିବା ଏହି ଡିଭାଇସରେ ଗୁଗୁଲ୍ ଆସିଷ୍ଟାଣ୍ଟ ଆକ୍ସେସ୍ କରିବା ପାଇଁ ପଛ ଫିଙ୍ଗର ପ୍ରିଣ୍ଟ ସେନ୍ସର ଏବଂ ଏକ ଉତ୍ସର୍ଗୀକୃତ ବଟନ୍ ରହିଛି । ୪ଜିବି ରାମ ଏବଂ ୧୨୮ ଜିବି ଷ୍ଟୋରେଜ ଏଥିରେ ଦିଆଯାଇଛି ।ଫୋନରେ ସ୍ନାପଡ୍ରାଗନ୍ ୬୬୨ ରହିଛି ।
ଫଟୋଗ୍ରାଫି ପାଇଁ, ଏହି ଫୋନରେ ତିନୋଟି କ୍ୟାମେରା ରହିଛି । ଏଥିରେ ଏଲଇଡି ଫ୍ଲାସ, ୨ ମେଗାପିକ୍ସେଲ ମାକ୍ରୋ ସୁଟର ଏବଂ ୨ ମେଗାପିକ୍ସେଲର ଗଭୀରତା ସହାୟକ ଲେନ୍ସ ସହିତ ୪୮ ମେଗାପିକ୍ସେଲର ମୁଖ୍ୟ କ୍ୟାମେରା ରହିଛି ।ଫୋନରେ ସେଲଫି ପାଇଁ ୮ମେଗାପିକ୍ସେଲ କ୍ୟାମେରା ଦିଆଯାଇଛି ।

Comments
Loading...