ଅତ୍ୟଧିକ ଲେମ୍ବୁ ସେବନ ହୋଇପାରେ ହାନିକାରକ

ଲେମ୍ବୁରେ ଭିଟାମିନ ସି ପ୍ରଚୁର ପରିମାଣରେ ରହିଛି। ଏହା ସ୍ୱାସ୍ଥ୍ୟ ପାଇଁ ମଧ୍ୟ ଉପକାରୀ। ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ଏହା ବେଶ ସହାୟକ। ଲେମ୍ବୁ ଶରୀରରୁ ଅଦରକାରୀ ଜିନିଷ ବାହାର କରିବାରେ ସାହାଯ୍ୟ କରିଥାଏ। ମାତ୍ର ଲେମ୍ବୁର ଅଧିକ ସେବନ ଶରୀର ପାଇଁ ଲାଭବଦଳରେ କ୍ଷତିକାରକ ହୋଇଥାଏ।
ବିଶେଷଜ୍ଞଙ୍କ ମତରେ ଅଧିକ ଲେମ୍ବୁ ସେବନ କରିବା ଦ୍ୱାରା ଆପଣଙ୍କୁ ବ୍ୟତିବ୍ୟସ୍ତ ଭଳି ଅନୁଭବ ହୋଇଥାଏ।
ଅତ୍ୟଧିକ ପରିମାଣରେ ଲେମ୍ବୁ ସେବନ କଲେ ପେଟ ଦରଜ ସହ ଶରୀରରେ ଜଳୀୟ ଅଂଶ କମିପାରେ।
ହୃଦୟ ଜନିତ ସମସ୍ୟା ଥିଲେ ଅତ୍ୟଧିକ ଲେମ୍ବୁ ସେବନ କରନ୍ତୁ ନାହିଁ।
ଅନେକ ସମୟରେ ପେଟ ବିନ୍ଧିବା ଭଳି ଅନୁଭବ ହୋଇଥାଏ।
ଏହାସହ ଅନିଦ୍ରା ଜନିତ ସମସ୍ୟା ହୋଇଥାଏ। ମୁଣ୍ଡବିନ୍ଧା ମଧ୍ୟ ହୋଇଥାଏ।
ଯେଉଁମାନଙ୍କର ମାଇଗ୍ରେନ ଜନିତ ସମସ୍ୟା ରହିଛି, ସେମାନେ ଲେମ୍ବୁ ଖାଇବାରୁ ଦୂରେଇ ରୁହନ୍ତୁ।
ଯେଉଁ ବ୍ୟକ୍ତିମାନଙ୍କର ଗ୍ୟାଷ୍ଟ୍ରିକ ହେଉଥିବ, ସେମାନେ ଲେମ୍ବୁ ଖାଇବା ଅନୁଚିତ। କାରଣ ଲେମ୍ବୁ ଖାଇବା ଦ୍ୱାରା ଶରୀରରେ ଏସିଡର ମାତ୍ରା ବଢିଯାଏ।
ବେଳେବେଳେ ଫାଷ୍ଟଫୁଡ ଖାଇ ସାରିବା ପରେ ହଜମ ପାଇଁ ଲେମ୍ବୁ ଖାଇବାକୁ ପଡିଥାଏ। କାରଣ ଲେମ୍ବୁରେ ଥିବା ଏସିଡ ହଜମ କରିବାରେ ସାହାଯ୍ୟ କରିଥାଏ। ବେଳେବେଳେ ପେଟ ଖରାପର ମୁଖ୍ୟ କାରଣ ମଧ୍ୟ ଲେମ୍ବୁ ହୋଇଥାଏ। ତେଣୁ ଖାଇବା ପରେ ଲେମ୍ବୁ ନ ଖାଇ ଖାଦ୍ୟ ସହ ମିଶାଇ ଖାଆନ୍ତୁ।

Comments are closed.