୨.୬୬କୋଟି ଟଙ୍କାର ବିଜୁସେତୁ ପାଇଁ ଭିତ୍ତି ପ୍ରସ୍ତର ସ୍ଥାପନ

ଆଠଗଡ : ରାଜନଗର ପଞ୍ଚାୟତର ତଇଲାମାଳଠାରେ ସାପୁଆନଦୀ ଉପରେ ୨କୋଟି ୬୬ଲକ୍ଷ ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା ବିଜୁସେତୁ ପାଇଁ ସ୍ଥାନୀୟ ବିଧାୟକ ତଥା ଖାଦ୍ୟ ଯୋଗାଣ, ଖାଉଟି କଲ୍ୟାଣ ଓ ସମବାୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ରବିବାର ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ସାପୁଆନଦୀ ଉପରେ ଏହି ପୋଲଟି ସଂପୂର୍ଣ୍ଣ ହେବା ପରେ ରାଜନଗର ଓ ବେଣ୍ଟପଦା ପଞ୍ଚାୟତ ସମେତ ଧାଇପୁର, ରାଧାଗୋବିନ୍ଦପୁର ଓ କନ୍ଦରପୁର ପଞ୍ଚାୟତର ଲୋକମାନଙ୍କ ପାଇଁ ପୁରୁଣା କଟକ-ସମ୍ବଲପୁର ରାସ୍ତା, ମହାକାଳବସ୍ତ ଓ ଘଣ୍ଟିଖାଲ ଆଦି ଅଞ୍ଚଳକୁ ଯାତାୟତରେ  ସୁବିଧା ହେବ। ବ୍ଲକ ଅଧ୍ୟକ୍ଷ କୃଷ୍ଣଚନ୍ଦ୍ର ଦଳାଇଙ୍କ ପୌରୋହିତ୍ୟରେ ଏହି ଉପଲକ୍ଷେ ଆୟୋଜିତ ସଭାରେ ମୁଖ୍ୟଅତିଥି ଭାବେ ଯୋଗଦେଇ ଗ୍ରାମାଞ୍ଚଳରେ ଗମନାଗମନ ଭିତ୍ତିଭୂମିର ବିକାଶ ହେବା ଦ୍ୱାରା କୃଷକମାନେ ବିଶେଷଭାବେ ଉପକୃତ ହୋଇପାରିବେ ବୋଲି ମତବ୍ୟକ୍ତ କରିଥିଲେ। ରାଜ୍ୟ ସରକାର ଗ୍ରାମାଞ୍ଚଳର ବିକାଶ ପ୍ରତିଶୃତିବଦ୍ଧ ବୋଲି ମନ୍ତ୍ରୀ ଶ୍ରୀ ସ୍ୱାଇଁ କହିଥିଲେ। ଏଥିରେ ସମ୍ମାନୀତ ଅତିଥି ଭାବେ ଜିଲ୍ଲାପରିଷଦ ସଭ୍ୟା ଜାନକୀଲତା ନାଏକ, ପୂର୍ବତନ ଜିଲ୍ଲାପରିଷଦ ସଭ୍ୟ ବଳଭଦ୍ର ବାଘ, ପୂର୍ବତନ ବ୍ଲକ ଉପାଧ୍ୟକ୍ଷା ନିରୁପମା ଭଞ୍ଜ, ମହିଳା ବିଜେଡି ସଭାନେତ୍ରୀ ବାସନ୍ତି ରାଉଳଙ୍କ ସମେତ ରାଜଗନର ଓ ବେଣ୍ଟପଦା ପଞ୍ଚାୟତର ସରପଞ୍ଚ ଓ ସମିତି ସଭ୍ୟମାନେ ଯୋଗଦେଇଥିଲେ ।

Comments
Loading...