ଗୁରୁବାର ଦିନ ମହାରାଷ୍ଟ୍ରର ଅହମ୍ମଦନଗରରେ ସ୍ୱଦେଶୀ ନିର୍ମିତ ଲେଜର ଗାଇଡ୍ ଟ୍ୟାଙ୍କ ବିଦ୍ଧ ଗାଇଡ୍ ମିସାଇଲ୍ (ଏଟିଜିଏମ୍) ସଫଳତାର ସହ ପରୀକ୍ଷଣ କରିବାରେ ଭାରତ ସକ୍ଷମ ହୋଇଛି । ୫କିଲୋମିଟର ଦୂରରୁ ଏହି କ୍ଷେପଣାସ୍ତ୍ର ସଫଳ ଭାବରେ ଏହାର ଲକ୍ଷ୍ୟଭେଦ କରିବାକୁ ସକ୍ଷମ । ଗତ ଦଶ ଦିନ ମଧ୍ୟରେ ଏହି କ୍ଷେପଣାସ୍ତ୍ର ହେଉଛି ଦ୍ୱିତୀୟ ସଫଳ ପରୀକ୍ଷଣ।
ପ୍ରତିରକ୍ଷା ମନ୍ତ୍ରଣାଳୟ ଏକ ବିବୃତ୍ତି ଜାରି କରି କହିଛି ଯେ ଏହି ଅସ୍ତ୍ରଶସ୍ତ୍ର ମଙ୍ଗଳବାର ଦିନ ଅହମ୍ମଦନଗରର ଆର୍ମଡ଼ କର୍ପସ ସେଣ୍ଟର ଏବଂ ସ୍କୁଲ (ଏସିସି ଆଣ୍ଡ ଏସ) ରେ ଏମବିଟି ଅର୍ଜୁନ ଟ୍ୟାଙ୍କରୁ ପରୀକ୍ଷା କରାଯାଇଛି। ଏଟିଜିଏମ୍ ଏକାଧିକ ପ୍ଲାଟଫର୍ମରୁ ଲଞ୍ଚ କରିବାର କ୍ଷମତା ସହିତ ନିର୍ମିତ | ଅର୍ଜୁନ ହେଉଛି ଡ଼ିଆରଡ଼ିଓ ଦ୍ବାରା ବିକଶିତ ତୃତୀୟ ପିଢ଼ିର ମୁଖ୍ୟ ଯୁଦ୍ଧ ଟ୍ୟାଙ୍କ | ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନକୁ ATGM ର ସଫଳ ପରୀକ୍ଷଣ ପାଇଁ ଅଭିନନ୍ଦନ ଜଣାଇଛନ୍ତି।
Comments are closed.