ଲାଞ୍ଜିଗଡରେ କରୋନା କାୟା ; ୫ ପଜିଟିଭ ଚିହ୍ନଟ , ଚନ୍ଦନପୁର କଣ୍ଟେନମେଣ୍ଟଜୋନ ଘୋଷଣା

ଦ୍ୱିତୀୟ ଡୋଜ କରୋନା ଟିକାନେବା ପରେ ତିନି ଡାକ୍ତରଖାନା କର୍ମଚାରୀ ପଜିଟିଭ

ଲାଞ୍ଜିଗଡ : ବର୍ତ୍ତମାନ ସାରା ଓଡିଶାରେ କରୋନାର ଭୟାବହତା ଦେଖା ଦେଇଥିବା ବେଳେ କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକରେ ମଧ୍ୟ ୫ଜଣକୁ ପଜିଟିଭ ଚିହ୍ନଟ କରାଯାଇଛି। ବିଶ୍ୱନାଥପୁର ଡାକ୍ତରଖାନାର ଜଣେ ସଫେଇ କର୍ମଚାରୀ ଓ ୨ଜଣ ଷ୍ଟାଫ୍ ନର୍ସଙ୍କ କରୋନା ପଜିଟିଭ ଚିହ୍ନଟ କରାଯାଇଛି। ସେହିଭଳି ଚନ୍ଦନପୁରର ଜଣେ ଓ ଲାଞ୍ଜିଗଡରେ ଜଣେ ପଜିଟିଭ ବାହାରିଥିବା ଜଣାପଡିଛି।
୫  ପଜିଟିଭ ଚିହ୍ନଟ ପରେ ବ୍ଲକ ଅଞ୍ଚଳରେ ଭୟର ବାତାବରଣ ଦେଖାଦେଇଛି। ଅତି ଆଶ୍ଚର୍ଯ୍ୟର ବିଷୟ ବିଶ୍ୱନାଥପୁର ଡାକ୍ତରଖାନାର ୩ଜଣ କର୍ମଚାରୀ ଦୁଇଥର ଟିକା ନେବାପରେ ମଧ୍ୟ କେମିତି ପଜିଟିଭ ବାହାରିଲା ତାହା ସନ୍ଦେହ ସୃଷ୍ଟି କରୁଛି। ପ୍ରତିଦିନ ବିଶ୍ୱନାଥପୁର ଡାକ୍ତରଖାନାରେ କରୋନା ଟିକା ନେବାପାଇଁ ଭିଡ ଜମୁଥିବା ବେଳେ ଏପଟେ ୩ଜଣ କର୍ମଚାରୀଙ୍କୁ ପଜିଟିଭ ବାହାରିଛି।  ବର୍ତ୍ତମାନ ପର୍ଯ୍ୟନ୍ତ କଣ୍ଟେନମେଣ୍ଟ ଜୋନ ଘୋଷଣା କରାଯାଇନାହିଁ।
ଚନ୍ଦନପୁରରେ ଜଣକୁ ପଜିଟିଭ ବାହାରିବା ପରେ ଲାଞ୍ଜିଗଡ ତହସିଲଦାର ଚନ୍ଦନପୁରକୁ କଣ୍ଟେନମେଣ୍ଟ ଜୋନ ଘୋଷଣା କରିଛନ୍ତି। ହେଲେ ବିଶ୍ୱନାଥପୁର ଡାକ୍ତରଖାନାକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇନଥିବାରୁ ପ୍ରଶ୍ନବାଚି ସୃଷ୍ଟି ହୋଇଛି। ଏ ସମ୍ପର୍କରେ ଲାଞ୍ଜିଗଡ ବିଡିଓ ଜିତେନ୍ଦ୍ର କୁମାର ମିଶ୍ର ପ୍ରକାଶ କରିଛନ୍ତି , ବିଶ୍ୱନାଥପୁର ଡାକ୍ତରଖାନାରେ ପ୍ରତିଦିନ କରୋନା ଟିକା ଦିଆଯାଉଛି ସେଥିପାଇଁ ସ୍ଥାନ ପରିବର୍ତ୍ତନ କରିହେବ ନାହିଁ । ଡାକ୍ତରଖାନାକୁ ସମ୍ପୁର୍ଣ୍ଣ ସାନିଟାଇଜ କରାଯାଇଛି ବୋଲି ପ୍ରକାଶ କରିଥିବା ବେଳେ ଡାକ୍ତରଖାନାର ସମସ୍ତ କର୍ମଚାରୀଙ୍କୁ କରୋନା ପରିକ୍ଷା କରାଯାଇଛି, ସେଥିପାଇଁ କୈାଣସି ଜନସାଧାରଣ ଭୟ କରିବାର ନାହିଁ ବୋଲି ବିଶ୍ୱାନାଥପୁର ଚିକିତ୍ସାଧିକାରୀ ଭବାନୀ ଶଙ୍କର ଲେଙ୍କା ପ୍ରକାଶ କରିଛନ୍ତି।

Comments
Loading...